تويوتا تكشف عن القوة الخفية للعربيات الكهرباء
الإثنين 12/يناير/2026 - 09:00 م
إحنا بنبص للعربية الكهربا على إنها عربية بتاخد كهربا صح؟ تويوتا طلعت وقالت لأ، المعادلة دي غلط. العربية الكهربا ممكن تدي كهربا.
وحسبتها حسبة هتصدمك: العربيات الكهربا اللي ماشية في شوارع أمريكا دلوقتي، لو اتوصلت بالشبكة، هتدي طاقة تساوي 40 مفاعل نووي!
يعني إيه؟ يعني عربيتك دي بقت محطة كهربا متنقلة. النور يقطع، هي تنور بيتك، محتاج تشغل أي جهاز بره البيت، هي تشغلهولك.
بس الغريب في القصة كلها، إن تويوتا، اللي بتكشف عن القوة دي، هي نفسها متأخرة في تطبيقها! شركات زي فورد ونيسان سبقوها ونزلوا عربيات بالميزة دي فعلًا.
