140 مليار دولار داخلين مصر!.. قفزة تاريخية للاقتصاد المصري 2026: إيه الحكاية!
قفزة تاريخية بتحصل في الاقتصاد المصري في 2026.. لو قولتلك أن فيه 140 مليار دولار داخلين البلد وده مش ميزانية دولة تانية ولا اي كلام .. ده الواقع اللي مصر داخلة عليه في 2026 إحنا مش بس بنعدي أزمة إحنا بنعمل قفزة تاريخية مصلحتها هتوصل لبيت كل واحد فينا.
الحكاية بدأت من قلب البنك المركزي في نهاية 2025 لما الاحتياطي النقدي لمصر كسر حاجز الـ 50.2 مليار دولار!.. ده ورقم لأول مرة يحصل في تاريخنا... وعارف ده معناه إيه..
معناه إننا عندنا غطاء أمان يقدر يكفينا نشتري كل احتياجاتنا من بره لمدة 8 شهور كاملة.. يعني إحنا محققين ضعف الأمان العالمي وزيادة وده بيدي ثقة عمياء في اقتصادنا وفي قدرة الدولة إنها تسدد التزاماتها وتأمن احتياجات كل بيت مصري بقلب جامد.
بس السؤال اللي شاغل بال كتير دلوقتي هي الفلوس دي هتيجي منين وازاي .. خليني أرسم لك الخريطة اللي هتملا خزنة البلد في 2026 واحدة واحدة.
أولاً شطارة المصريين في الصناعة والتصدير .. واللي هتجيب لنا 55 مليار دولار.
ثانيا بقى السياحة واللي راجعة تكتسح ومتوقع تدخل لجيوبنا 22 مليار دولار.. ده غير ولادنا برة مصر اللي ثقتهم في بلدهم هتخلي تحويلاتهم تكسر الـ 42 مليار دولار .. وكل ده كوم والستثمارات الأجنبية كوم تاني.. واللي بتقدر بحوالي 15 مليار دولار استثمارات كاش داخلة تفتح مصانع ومشاريع.
وده غير كمان 4 مليار دولار من شريان العالم.. قناة السويس وأخيراً 30 مليار دولار ثقة من المستثمرين الأجانب في السندات المصرية .. وكل ده بيصب في مصلحة واحدة بس وهي استقرار الجنيه.. لما يكون معاك 140 مليار دولار يبقى مفيش سوق سوداء والأسعار بتهدى وقدرتنا على سداد ديوننا في مواعيدها بتخلي العالم كله يبص لنا باحترام وقوة
وده مش بنقول كلام ده تأكيد على ان خريطة التنمية اللي بدأت من سنين بدأت أخيراً تطلع إنتاجها مصر في 2026 مش بس بتأمن نفسها دي بتبني مستقبل جيل كامل الأرقام بتقول إننا عدينا الصعب والجمهورية الجديدة بقت حقيقة بنلمسها في استقرار عملتنا وقوة اقتصادنا
