حركة بسيطة تضيع منك شقة العمر.. ليه الحكومة بتسحب الشقق فجأة؟

في كارثة بتحصل لناس كتير بتبني أحلامها على شقة من الإسكان وفجأة يلاقوا العقد اتلغى والشقة اتسحبت..

والسبب مش بس إنك مابتسكنش فيها.. في سبب غريب جدا ومعظم الناس مش واخدة بالها منه، وهو "تغيير نشاط الشقة" أو حتى قفلها لفترات طويلة جدا من غير استهلاك مياة وكهرباء بانتظام.

القانون واضح، الشقق دي مدعومة من الدولة عشان تحل أزمة سكن مش عشان تسقعها أو تقلبها مكتب أو عيادة أو حتى مخزن.

لجان الضبطية القضائية دلوقتي بتلف وبتراجع عدادات الكهرباء والمية، ولو لقوا الاستهلاك "صفر" لفترة طويلة، ده معناه إنك مش محتاج السكن، وهنا بتبدأ إجراءات السحب فورا.

حتى لو دافع أقساطك ومنتظم، مجرد إنك تحول بلكونة لمحل صغير أو تفتح نشاط تجاري من غير ترخيص، ده كفيل يهد حلمك في ثانية.

النصيحة اللي بجد، الشقة للسكن وبس، ولو ناوي تسيبها فترة لازم تبلغ الجهاز وتثبت إنك مش مستغني عنها عشان متصحاش تلاقي القفل اتغير وضاع عليك شقى عمرك.