الإسكان تجهز 55 ألف شقة جديدة.. مين يستحق
الأربعاء 31/ديسمبر/2025 - 01:15 ص
تعرف إن وزارة الإسكان مطلوب منها توفر حاليا ٥٥ ألف شقة جديدة.. لكن السؤال المهم.. الشقق ده ليه.. ولمين؟
وزير الاسكان شريف الشربيني كشف ان عدد المتقدمين لحجز وحدات السكن البديل ضمن منظومة الايجار القديم.. وصل لحد دلوقتي لحوالي 55 الف حالة.
وقال ان كل الطلبات المقدمة بتخضع حاليا للدراسة والفحص بالتنسيق مع جهات الدولة المختلفة.. علشان يتم التأكد من استحقاق كل متقدم حسب الضوابط المحددة.
الوزير وضح كمان ان ملف الايجار القديم بيتدار بتنسيق كامل بين كل اجهزة الدولة.
واكد ان دور وزارة الاسكان واضح ومحدد بنص المادة 8 اللي بتلزم الدولة بتوفير سكن بديل للمستحقين.
يعني مفيش قرارات فردية وكل خطوة محسوبة بالقانون وبمراجعة كاملة لكل حالة قبل اتخاذ اي قرار.
