غلطة بسيطة.. خلي بالك عشان تخصيص شقق الإسكان ما يتلغيش

عارف يعني إيه تقعد قدام الشاشة وتنافس آلاف عشان تلحق تحجز شقة في "جنة"، وفي الآخر تضيع منك بسبب غلطة بسيطة في الإجراءات؟

التقديم خلص والزحمة هديت، بس الحقيقة إن المعركة الحقيقية بتبدأ دلوقتي.

وزارة الإسكان حطت قواعد "مفيهاش هزار" عشان تضمن إن الشقق تروح للي هيسكن فعلاً.

أول فخ ممكن تقع فيه هو "المواعيد".. لو المهلة عدت ومنطقتش وسددت الـ 20% ومصاريفك الإدارية، شقتك هتروح لغيرك في ثانية.

مش بس كدة، ده حتى القسط لو اتأخرت فيه "مرتين" ورا بعض، الهيئة ليها الحق تسحب التخصيص.

واللي لازم تعرفه كويس، إن الشقة دي "شخصية جداً".. يعني لا ينفع تبيعها من تحت لتربيزة ولا تتنازل عنها ولا حتى تقلبها مكتب لشركتك، لأن الغرض "سكني فقط".

لو حاولت تغير النشاط أو تتصرف فيها من غير موافقة رسمية وكتابية، العقد بيتفسخ "تلقائي" ومن غير ما يرفعوا عليك قضية حتى.

خليك واعي، التزم بمواعيد استلامك وأقساطك، وحافظ على حلمك اللي تعبت فيه عشان ميروحش في غلطة إدارية.