أسعار الكاكاو تنهار.. ليه شوكولاتة الكريسماس لسه غالية؟

الكاكاو سعره نزل.. بس الشوكولاتة لسه نار.. رغم إن سعر طن الكاكاو نزل لحوالي 6000 دولار إلا إن شوكولاتة الكريسماس لسه غالية في المحلات.

ليه بقى؟ السنة اللي فاتت أسعار الكاكاو وصلت لـ 13 ألف دولار للطن بسبب أمراض وتقلبات مناخية ضربت محاصيل ساحل العاج وغانا.. المصانع اشترت الكاكاو
بأسعار عالية ولسه بتستخدم المخزون ده لحد 2026.

وخبراء الصناعة بيأكدوا إن الأسعار الحالية ضغط كبير على الشركات ومفيش تخفيض قريب في أسعار التجزئة.

والأغرب شركات زي Milka وNestlé قللت نسبة الكاكاو واستبدلته بزيوت أرخص بس الأسعار فضلت زي ما هي
والتوقعات بتقول ان أي انخفاض حقيقي
مش قبل النصف التاني من 2026
ولحد ما يجي الوقت ده الشوكولاتة هتفضل رفاهية.