إعفاءات ضريبية وتسهيلات للمستثمرين.. مصر تفتح أبوابها للاستثمار في العاصمة الإدارية والعلمين

مصر دلوقت بتخطو خطوة كبيرة جدا في عالم الاستثمار والاقتصاد.. والحكومة بتدرس حزمة جديدة من الحوافز الضريبية والتسهيلات علشان تشجع الشركات على الاستثمار في العاصمة الإدارية الجديدة وفي العلمين الجديدة.
فـ لو إنت مستثمر هتلاقي الإجراءات أسهل والضرائب أقل وكمان كل الدعم اللي محتاجه علشان تبدأ مشروعك بسرعة وأمان.

الحكومة جهزت مشروع قانون جديد هيتقدم للبرلمان وبعد موافقة البرلمان ورئيس الجمهورية هتبدأ المدن دي تتحول لمناطق جذب للشركات المحلية والأجنبية.

طيب ليه الخطوة ديه واحما هنستفاد ايه منها وهل الموضوع فلوس بس .. خليني اقولك أن لا الهدف مش بس جذب فلوس جديدة لكن كمان زيادة مشاركة القطاع الخاص في المشاريع القومية الكبيرة وخلق فرص عمل للشباب المصري .. فمثلا مشروع زي العاصمة الإدارية الجديدة ده مش مجرد مشروع ده مثال حي على الضخامة والطموح .

مشروع  بيضم منطقة أعمال مركزية على مساحة 170 فدان فيها 20 برج من ضمنهم البرج الأيقوني و10 أبراج مكتبية و5 أبراج سكنية وكمان أبراج فندقية وتجاريةز
ده غير الوحدات الإدارية والمكتبية عددهم حوالي 1893 وحدة، اما الوحدات السكنية 1700 وغرف فندقية فئة 5 نجوم حوالي 458 غرفة.

والعمالة المصرية في المشروع حوالي 12 ألف عامل مع وجود 4 آلاف عامل صيني والمشروع متمول بقروض صينية طويلة الأجل
أما في العلمين الجديدة مشروع أبراج داون تاون بيضم برج أيقوني بارتفاع 250 متر وأربعة أبراج تانية 200 متر وكلها أبراج سكنية كاملة التشطيب المشاريع.

فدي مش بس بتغير شكل المدن الجديدة لكنها كمان بتخلق فرص عمل كبيرة وبتضيف قيمة حقيقية للاقتصاد المصري .. طيب ليه مصر عملت كده  وليه في اهتمام بالمشاريع .. ببساطة لأن البلد دلوقتي هدفها أنها تبقى وجهة استثمارية قوية تجذب رؤوس الأموال وتطور البنية التحتية وكمان توفر فرص عمل حقيقية للشباب الخطوة دي بتخلي البلد كله يكسب... الحكومة بتزيد إيراداتها.. والمستثمرين بيلاقوا بيئة مناسبة للشغل وكماز المواطن المصري بيستفيد من مشاريع عملاقة وفرص شغل جديدة.