10 مخالفات مرورية ممكن تتصالح عليها بـ25 جنيه بس
لو عليك مخالفة مرور.. مش كل مخالفة لازم تدفع فيها مبلغ كبير.. في 10 مخالفات القانون بيسمح تتصالح عليها فورًا وبـ 25 جنيه بس.. تعالى نشوفهم مع بعض:
استخدام النور العالي بشكل مخالف.
الوقوف ليلًا من غير أنوار.
السير بالليل من غير نور أمامي أو خلفي.
وجود ركاب على أي جزء خارجي من العربية.
عدم الالتزام باليمين في الطرق المزدوجة.
مخالفة الإشارات أو تعليمات المرور.
مخالفات الوزن أو الطول أو الارتفاع لعربيات النقل.
استخدام الكلاكس من غير سبب.
إشارات ضوئية أو صوتية مزعجة.
استخدام أجهزة التنبيه في أوقات ممنوعة.
واللي بيحرر الصلح هو ضابط المرور فقط، ولو وافقت تدفع في ساعتها الموضوع يخلص على طول ، ولو رفضت المحضر بيتحول للنيابة.
كمان خلي بالك.. شهادة مخالفات المرور بقت إلكترونية فقط مفيش ورق تاني.. تطلعها أونلاين وتستخدمها في أي إجراء.. يعني لو مخالفتك من دول.. متكبرش الموضوع 25 جنيه وتخلص.
