سيارة تانج L.. الـSUV الكهربائية اللي جاية تقلب موازين الفئة كلها

بي واي دي قررت تدخل اللعبة من بابها الكبير بعربية جديدة اسمها Tang L وصدقيني، دي مش SUV وخلاص، دي وحش متغطي صالون! تخيل معايا عربية عائلية بتجري من 0 لـ100 في 3.9 ثانية! ده أداء عربيات رياضية مش عائلية!

وبرغم القوة دي، النسخة الكهربائية بالكامل جاية ببطارية Blade الجيل التاني، ودي بتديك مدى 670 كم في الشحنة الواحدة، رقم يخليك تطمن في أي مشوار.. ولو لسه محتارة بين البنزين والكهربا، BYD قدمت حل وسط: نسخة هايبرد.

الهايبرد بتديك 215 كم كهربا صافي لمشاوير كل يوم، ومعاها موتور بنزين للمشاوير الطويلة من غير أي قلق.. التصميم كمان اتغير وبقى اقوى ورياضي أكتر، والصالون مليان شاشات وتكنولوجيا ذكية تخلي السواقة تجربة مختلفة.