2027.. مصر تستعد لإطلاق مبادرة تاريخية لاستبدال سيارات البنزين بالمركبات الكهربائية

تخيل إنك تقدر تستبدل عربيتك اللي بتشتغل بالبنزين بعربية كهرباء.. ده اللي الحكومة المصرية بتدرس إطلاقه خلال 2027، من خلال أول مبادرة لإحلال السيارات الكهربائية في مصر، تحت اسم «دعم انتشار السيارات الكهربائية».

المبادرة لسه قيد الدراسة، وهدفها تشجيع الناس على التحول للسيارات الكهربائية، بالتزامن مع حوافز جديدة لدعم التصنيع المحلي.

https://youtube.com/shorts/cK3tKggF--8?si=ZNs-SLy_7Y35tXti

ومن أبرز الحوافز المطروحة إعفاء مستلزمات إنتاج السيارات الكهربائية من الجمارك، زي البطاريات والمحركات، لتقليل تكلفة التصنيع وتشجيع المصانع المحلية.

وفي المقابل، الحكومة بتدرس فرض رسوم جمركية بنحو 5% على السيارات الكهربائية المستوردة بالكامل، لحماية الصناعة المحلية وتشجيع الاستثمار في تصنيعها داخل مصر.

واللافت إن 3 شركات كبرى، هي المنصور للسيارات ونيسان وجنرال موتورز، تقدمت للانضمام للمبادرة.

يعني 2027 ممكن تشهد بداية مرحلة جديدة في سوق السيارات المصري.. فهل نشوف عربيات البنزين بتتبدل بالكهرباء؟