جنون الأسعار مستمر.. عربيات كانت بمليون بقت بـ 600 ألف
الإثنين 01/ديسمبر/2025 - 04:15 ص
فاكرين لما كنا بنسمع إن فيه عربيات اقتصادية سعرها عدى المليون جنيه؟ القصة دي اتقلبت تمامًا.
أمين عام رابطة مصنعي السيارات بنفسه طلع وأكد إن السوق فيه عربيات سعرها نزل من فوق المليون جنيه لحد 600 ألف بس! وفيه موديلات تانية سعرها نزل بنسبة 70% عن السنة اللي فاتت.
طب ليه الناس لسه مش بتشتري؟
الخبير بيقول إن الناس كلها مستنية الأسعار تنزل أكتر وأكتر، وده اللي عمل حالة ركود في السوق.
طب تشتري دلوقتي ولا تستنى؟ النصيحة كانت واضحة.
لو محتاج عربية ضروري، دلوقتي أحسن وقت تستفيد فيه من التخفيضات، لو مش مستعجل، ممكن تستنى شوية لحد ما السوق يستقر.
