شقة قسطها 5000 جنيه في الشهر.. موجودة فين
الإثنين 01/ديسمبر/2025 - 06:15 ص
اشتري شقة وادفع قسط 5 آلاف جنيه في الشهر.. ده إعلان كتير هتلاقيه.
لكن الحقيقة ايه.. استشاري التطوير محمد خطاب قالها بصراحة كل الإعلانات اللي بتقول أقساط 5000 جنيه دي مش حقيقة.
دي طريقة تسويق بس علشان العميل يروح.
بس لما تيجي تحسب هتلاقي في مقدم محترم ودفعات كبيرة نص سنوية أو سنوية يعني اللي ناقص من القسط الصغير بيتجمع عليك اخر السنة بأرقام تقيلة جدا.
وكمان النهاردة مفيش شقة في كومباوند حتى لو أوضة واحدة أقل من 4 أو 5 مليون جنيه.
ومتستغربش لما تعرف ان اقل قسط ربع سنوي ممكن يوصل 100 الف جنيه والزيادات جاية.
يعني ما فيش تراجع في السوق فلازم تفهم الاعلان قبل ما تتفاجئ لحظة التعاقد.
