شقة تمليك بدون مقدم وقسط شهري 1200 جنيه بس.. تاخدها إزاي؟
لو بتحلم تمتلك شقة ومقدم التمويل العقاري صعب عليك.. تعالى اقولك على أرخص شقة ممكن تشتريها.
نظام الإيجار التمليكي هو أفضل حل..
النظام ده بيحول الإيجار الشهري بتاعك إلى قسط تملك، وبدون مقدمات كبيرة تكسر الظهر.
الفكرة ببساطة.. بتدفع إيجار لمدة طويلة غالبا 7 سنوات أو أكتر.. وزيادة سنوية 7% بس.
وفي نهاية المدة دي أو بعدها، كل اللي دفعته بيتخصم من سعر الشقة، وتتملكها نهائي!
وهيكون فيه آلاف الوحدات المدعومة في محافظات كتير زي بني سويف، الشرقية، الجيزة، والمنوفية.
وأهم المميزات اللي أعلنت عنها الحكومة.. القسط الشهري بسيط جدا.. يبدأ من حوالي 1200 جنيه للمساحات الصغيرة و 1500 جنيه للمساحات الأكبر.
وخليني اقولك إن الصندوق بيدفع الفرق لحد ما يوصل إيجارك لـ 25% فقط من دخلك الشهري.
وبعد فترة الإيجار، من حقك تطلب شراء الشقة، وكل الفلوس اللي دفعتها بتتخصم من سعر البيع.
السؤال.. إزاي تقدم على شقة إيجار تمليكي؟
التقديم بيتم بشكل أساسي من خلال الجهة الرسمية المسؤولة عن الطرح.. زي صندوق الإسكان الاجتماعي.
يعني لازم تتابع موقع الصندوق عشان أول ما يعلنوا تقدم فورا.
