الإيجار ولا التمويل العقاري.. إيه أفضل اختيار ليك؟
الناس كتير بتسأل نفسها هل أحسن أعيش في شقة إيجار ولا أخد تمويل عقاري وأبني ملكية لنفسي وللعيلة.
بصراحة كل واحد ليه مميزاته والاختيار بيعتمد على ظروفك.
الإيجار بيبقى أسهل في البداية وبدون التزام طويل الأمد وممكن تغير مكانك بسرعة.
لكن كل جنيه بتدفعه بيضيع ومش بيرجعلك حاجة وخصوصا لو الإيجار بيرتفع كل سنة وده بيحصل على طول في معظم المناطق.
التمويل العقاري بيحتاج بداية أكبر شوية وأقساط شهرية لكن كل جنيه بتدفعه بيتحول لملكية الشقة وبتاخد أمان واستقرار ومفيش حد يقدر يطلب منك الإخلاء.
وكمان لو حصلت زيادة بسيطة في القسط كل سنة هي محسوبة في صالحك لانها بتقربك من امتلاك الشقة بالكامل.
كمان التمويل العقاري بيخليك تبني أصل لنفسك بدل ما تدفع فلوس في الهوى، وده مهم لو ناوي تعيش فترة طويلة في مكان ثابت أو تحب تحمي نفسك من تقلبات الإيجار.
يعني.. لو حابب حرية مؤقتة وسهل عليك تدفع دلوقتي الإيجار كويس.
لكن لو عايز استقرار وملكية وأمان على المدى الطويل التمويل العقاري هو الحل الأفضل.
