زيادة الإيجار القديم هتتطبق إمتى؟ القانون قال كلمته
الخميس 27/نوفمبر/2025 - 09:30 م
لو لسه مش فاهم زيادة الإيجار القديم هتتطبق إمتى؟.. فده ملخص القانون الجديد ببساطة:
أول ما القانون بدأ يشتغل.. المادة 4 قالت إن الأجرة الشهرية اللي بعد تاريخ العمل بالقانون هي اللي بيتحسب عليها الزيادة.
الأماكن السكنية في المناطق المميزة:
بتزيد لـ 20 ضعف القيمة الإيجارية القديمة، وبحد أدنى 1000 جنيه
الأماكن في المناطق المتوسطة والاقتصادية: المتوسطة: 10 أضعاف وبحد أدنى 400 جنيه.
الاقتصادية: 10 أضعاف وبحد أدنى 250 جنيه.
ولحد ما لجان الحصر في المادة 3 تخلص شغلها.
المستأجر بيدفع 250 جنيه شهريًا كأجرة مؤقتة.. وبمجرد ما المحافظ ينشر قراره بعد انتهاء الحصر.
يبدأ المستأجر يدفع الفروق المستحقة لو موجودة على أقساط شهرية بنفس مدة الفترة اللي الفروق تخصها.
يعني ببساطة: الزيادة بدأت من أول إيجار بعد تفعيل القانون، والفروق الحقيقية بتتحسب بعد قرار المحافظ.
