عقوبة الإسكان الاجتماعي.. إزاي ممكن تدفع غرامة بملايين
الإثنين 08/ديسمبر/2025 - 09:45 م
كلنا عارفين ان شقق الإسكان الاجتماعي دعم من الدولة.. بس لما بيسحبوا الشقة بسبب مخالفة، هل بياخدوها بس؟ لأ ياسيدي
ده بقى الموضوع اللي بيزعل اوي ومحدش بيتكلم عنه.
الصندوق بيحاسبك على الشقة بالقيمة السوقية الجديدة بتاعتها دلوقتي، مش بالسعر اللي انت دفعت بيه زمان!
يعني لو شقتك دلوقتي سعرها وصل مليون ونص بسبب التضخم، بيطلبوا منك تدفع قيمة الدعم اللي الدولة قدمتهولك بالمليون ونص دول. وكمان بيحطوا عليك غرامة ٢٠%.
كده الدعم بيتحول لـ غرامة ضخمة ممكن تخلي الأسرة البسيطة مديونة.
عشان كده ركز اوي في قيمة العقوبة المالية دي... قبل ما تعمل مخالفة تخلي الشقة تتسحب منك.
