مليارات جاية في الطريق.. أكبر خط ملاحي في العالم راجع لقناة السويس
في خبر ضخم ممكن يغير شكل الاقتصاد المصري الفترة الجاية!
أكبر خط ملاحي في العالم.. شركة ميرسك، رجعت تاني بكامل أسطولها تعبر قناة السويس بعد غياب أكتر من سنتين!
بس الرجوع ده مش صدفة.. ده بعد مفاوضات وتقارير عالمية كلها بتقول إن القناة رجعت أقوى من الأول، ورغم الاضطرابات اللي حصلت في البحر الأحمر، قدرت تفضل واقفة وما تقعش.
الفريق أسامة ربيع أعلن إن هيئات الملاحة التانية كمان داخلة على رجوع قريب، وفي كلام مع شركات عالمية تانية علشان ترجع تعتمد على القناة من جديد
والأرقام بتتكلم لوحدها.
في شهر أكتوبر بس:
عدد السفن اللي عبرت زاد بشكل كبير ووصل لـ 1136 سفينة، والحمولات عليت 16%، والدخل بالدولار طلع 15%
والأقوى من كده كمان ان شهر نوفمبر كسر كل ده.. السفن زادت 15%، والحمولات عليت 26%، والدخل بالدولار زاد 27%!
والمفاجأة ان الإيرادات المتوقعة السنة دي هتوصل لـ 4.1 مليار دولار، ومع 2026 الصورة هتبقى أوضح، والقناة هترجع أشرس من أي وقت فات
ده معناه إيه؟
معناه إن مليارات جديدة داخلة.. وإن قناة السويس راجعة لدورها الطبيعي وده قلب الملاحة العالمية.
