قرار جديد يخص تكافل وكرامة.. اعرف هل إنت من الفئات المستحقة؟
ناس كتير بتسأل اليومين دول.. "هو مين اللي ليه حق ياخد دعم تكافل وكرامة؟".. خصوصًا بعد القرارات الأخيرة واهتمام الدولة بزيادة الفئات اللي تستحق المساعدة.
وزارة التضامن أعلنت إن برنامج تكافل وكرامة بيوصل دلوقتي لحوالي 4 مليون و700 ألف أسرة.. لكن مش كل الناس تعرف مين بالظبط الفئات اللي ليها الحق تصرف الدعم النقدي المشروط.
علشان كده.. جمعنالك 8 فئات أساسية بيعتبرهم البرنامج مستحقين للدعم، حسب الموقع الرسمي لوزارة التضامن:
الأشخاص ذوي الهمم.. دول لهم الأولوية في الدعم من غير نقاش.
الأطفال الأيتام اللي فقدوا الأب والأم.
الأسرة اللي من غير عائل.. سواء سابهم أو اختفى أو مش قادر يصرف عليهم.
ابن الأم اللي اتجوزت بعد الانفصال ومالوش حد يصرف عليه.
ابن أو بنت المسجون أو المسجونة لأن الأسر دي بتكون في وضع هش اقتصادي.
كريم النسب.. الأطفال اللي ليهم ظروف أسرية خاصة ومعروف إنهم محتاجين رعاية.
المرأة المعيلة.. وده يشمل الأرملة، والمطلقة، والمهجورة، وزوجة النزيل في مراكز الإصلاح والتأهيل.. كبار السن فوق 65 سنة.. لو ماعندهمش معاش ثابت أو مصدر دخل يكفيهم.
الفئات دي الدولة بتعتبرها الأكثر احتياجًا.. علشان كده الدعم بيروح لهم بشكل مباشر ومنظم، وبشروط واضحة علشان الفلوس توصل لمكانها الصحيح.
ومع توسع البرنامج الفترة اللي جاية ناس أكتر هتدخل تحت مظلة تكافل وكرامة، خصوصًا إن الحكومة بتركز على تحسين أوضاع الأسر البسيطة وتقليل العبء عنهم.. لو إنت أو حد تعرفه داخل في الفئات دي، يبقى من حقه التقديم ومتابعة طلبه من خلال وزارة التضامن.
