كارت "توت عنخ آمون".. فكرة عبقرية لزيادة الموارد الدولارية وإنعاش السياحة
تخيل أول ما سائح يوصل مصر.. قبل ما يخرج من المطار، يستلمه موظف مبتسم ويقوله: "أهلاً بيك في مصر.. ده كارت توت عنخ آمون!"
الفكرة ببساطة إن السائح هيحول جزء من عملته الدولار أو يورو مقابل الجنيه المصري.. بس الميزة هنا إن السعر هيكون تفضيلي أعلى من سعر الصرف الرسمي.
الكارت ده يقدر يستخدمه في كل حاجة: مطاعم، فنادق، مزارات، محلات هدايا..
يعني معاه تجربة كاملة وسهلة من غير ما يشيل كاش أو يتلخبط في الأسعار
ولما يخلص رحلته، بيرجع بلده ويسترد الباقي بنفس السعر اللي اشترى بيه!
والكروت نفسها درجات: الكلاسيكي من 500 لـ1000 دولار.. بياخد خصم 10%
الفضي من 1001 لـ2000 دولار.
خصومات أكتر ومزايا إضافية في الإقامة والمواصلات، والذهبي بقى فوق الـ2000 دولار.. خصومات لحد 25% ومعاملة VIP كاملة.. يعني السائح مبسوط، والاقتصاد يستفيد، والدولار يفضل تحت السيطرة.
كارت توت عنخ آمون مش مجرد كارت.. ده خطة ذكية ممكن تغير شكل السياحة في مصر بالكامل.
