خسارة 1.5 مليار دولار علّمت محمد العبار أغلى درس في حياته.. إيه الحكاية
الجمعة 10/أكتوبر/2025 - 07:00 ص
تفتكر لما تخسر مشروع بمليار ونص المليار دولار.. ممكن تقوم تاني؟
محمد العبار، مؤسس إعمار الشركة اللي بنت برج خليفة بيقول إن أكبر غلطة في حياته كانت خسارته لشركته في أمريكا اللي خسر فيها 1.4 مليار دولار! وكمان ضاع منه مشروع ضخم في أثينا.
العبار قال وقتها مكنش عنده خبرة كفاية.. بس التجربة دي علمته إن النجاح عمره ما بييجي بالساهل، وإن الطريق الحقيقي مليان دروس وخساير قبل ما توصل للقمة.
النهارده العبار بيعتبر الخسارة دي أغلى درس في حياته، لأنها خلته يفهم إن النجاح محتاج صبر، تعليم، وتجارب حقيقية.
والأغرب إن الراجل ده اللي بقى من أغنى أغنياء الخليج اتولد في بيت بسيط جدًا، لأب وأم ما يعرفوش يقروا ولا يكتبوا!
بس قدر يغير مصيره بإيده.. وخسر مليار ونص، علشان يكسب خبرة بتسوى أكتر من أي فلوس.
