قرار جديد هيقلب سوق الموبايلات في مصر!
الأربعاء 08/أكتوبر/2025 - 06:00 ص
خلاص يا جماعة، مش أي حد هيقدر يدخل موبايل من بره تاني!
في قرار جديد اتطبق مؤخرًا،
وبيمنع دخول الموبايلات من الخارج من غير ما يتدفع عليها جمارك كاملة.
وليد رمضان، نائب رئيس شعبة المحمول، قال إن في الأسبوعين اللي فاتوا تم وقف عدد كبير من الهواتف اللي كانت داخلة مصر بإعفاء جمركي! وده عمل ارتباك كبير في سوق الموبايلات.
القرار الجديد بيقول إن كل مسافر ليه إعفاء على موبايل واحد بس كل 3 سنين!.
ولو حاولت تدخل أكتر من كده؟ هتدفع الجمارك كاملة، ومش هيتقبل منك الجهاز.
رمضان وضح إن الهدف من القرار هو تحصيل حقوق الدولة وتنظيم السوق، لكن في نفس الوقت لازم يكون فيه توازن علشان نحافظ على العلاقة بين التاجر والمستهلك.
يعني باختصار لو كنت ناوي تجيب موبايل من بره قريب، راجع حساباتك كويس، لأن الوضع اتغير.
