الفلاح "كنز" الدولة الجديد.. خطة سرية لإنقاذ الاقتصاد ورفع الصادرات
الفلاح المصري واحد من الجنود اللي لهم دور بارز في بناء الجمهورية الكبيرة والدولة بتعظم دوره ...ياتري اية اللي بتعمله الدولة علشان تساعد الفلاح المصري.. والدولة عايزة اية من الفلاح في خطة النهوض بالاقتصاد المصري.
علي طول السنين كان الفلاح هو الأساس اللي الدولة بتبني عليه أسسها، ومفيش اي دولة في العالم هتعمل نهضة بدون ما يكون عندها برنامج زراعي قوي، والفلاح المصري من قديم الزمن وهو معروف بقوته وتميزه، وده اللي وصفه أجدادنا المصريين القدماء علي جدران المعابد والمتاحف الفرعونية واللي فيها المصريين القدماء قدسوا الفلاح المصري القديم.
تقديس الدولة المصرية للفلاح المصري استمر وكمل علي مدار التاريخ، ومع كل مقبره تاريخية كانت الدولة بادي اهتمام كبير جدا للفلاح المصري وبتحاول بكل الطرق أنها توفر كل السبل المتاحة لتسهيل عمله في الزراعة وتوفر له الأسمدة المطلوبة، علشان يزرع وينتج، خصوصا انه صاحب أهم حاجة في الاقتصاد المصري وهو تأمين غذاء المصريين.
طيب اية اللي بتعمله الدولة في الوقت الحالي علشان تأمن الفلاح المصري ؟.
الفلاح المصري وأخذ جزء كبير من اهتمام الحكومة في الوقت الحالي، وعلشان كده قدمت له مشروعات خدمية كبيرة أهمها مشروع مياة كريمة واللي مخصص القري الريفية والهدف منه توفير كل الخدمات من صحة وتعليم وغيرها من القطاعات المهمة لاي مواطن مصر.
دعم الدولة للفلاح المصري امتدت كمان لعم الأسمدة والتقاوي و التوسع الزراعي، وتحسين البنية التحتية للزراعة، والدولة ممثلة في وزارة الزراعة أعلنت إنها هتواصل توزيع حوالي 600 ألف طن من الأسمدة المدعمة للمزارعين من خلال الجمعيات والمنافذ الزراعية، ومنظومة صرف الأسمدة مش عشوائية عشوائية زي ما الناس فاكرة، والدولة بتستخدم كارت الفلاح علشان تضمن إن الدعم يوصل فعلاً لمستحقيه، وإن الحصة تكون محسوبة بالرقم على أساس الحيازة الزراعية والمساحة، وكمان فيه متابعة جامدة لمنظومة حوكمة تداول الأسمدة والنقل والتوزيع، وده علشان نتأكد من عدم التلاعب في السعر أو الكمية.
مبادرات الحكومة لدعم الفلاح شملت كمان علي مبادرة البتلو، وطرح كبير لاستثمارات كبيرة للمربيين، والدولة وفرت تمويل أكتر من 10 مليارات جنيه لمشروعات البتلو في الدولة، واستفاد منها أكتر من 45 ألف أسرة، وده بهدف دعم القدرات التسويقية لصغار المزارعين، وربطهم بالسوق المحلي والخارجي، وتوفر منافذ تسويقية، وتحسين جودة التعبئة والتغليف والفحص والتصدير.
طيب اية الهدف الحكومة من مبادرات دعم الفلاح ؟.
في عدد كبير من الأهداف موجودة عند الدولة من مبادرات دعم الفلاح أولهم توفير الرعاية اللازمة لفئة كبيرة ومهمة من الشباب المصري، وده واحد من واجبات الدولة المصرية تجاه مواطنيها في كل شبر علي أرض مصر وخارجها.
تاني هدف للحكومة من مبادرات دعم الفلاح هيا الحصول لحلم تحقيق الاكتفاء الذاتي من السلع الغذائية وتقليل استيراد المحاصيل الغذائية قدر الإمكان، خصوصًا المحاصيل الاستراتيجية زي القمح والذرة والبقوليات، علشان كده الدولة طرحت افكار لزاعية الرقعة الزراعية زي خطة التوسع الرأسي والأفقي، واللي منها الدولة بتستهدف زيادة المساحات المزروعة من استصلاح الأراضي وتحسين انتاجية الفدان.
الدولة كمان بتستهدف من خطط دعم التوسع الزراعي زيادة الصادرات الزراعية والتنافسية في الأسواق الخارجية، وده اللي حصل والدولة قدرت أنها ترفع ارقام الصادرات الزراعية الطازة والمصنعة بنسب كويسة جدا، والدولة عايزة تستفيد من الطلب العالمي علي الصادرات المصرية وتحقيق حلم الوصول لتحقيق 140 مليار دولار من صادرات الزراعة.
