شوف ازاي مصر هتوفر أكبر ميزانية من الاستيراد الخارجي من محصول القمح
مصر أكبر مستورد في العالم للقمح بين دول العالم كلها، وهو أكبر مستنزف الدولار في السلع الاستيرادية.. ياتري ايو هيا خطة مصر لتحقيق اكتفاء ذاتي من القمح .. واية هيكون رغيف خبز المصريين كله إنتاج محلي.
في سلع استراتيجية الدولة عنها التزام بيها لازم توفرها مهما كانت الظروف اللي بيمر بيها الاقتصاد المصري، واحدة من السلع الاستراتيجية اللي الدولة عندها التزام بتوفيرها للشعب هيا القمح واللي هو أساس رغيف خبز المصريين ولو حصل فيه لا قدر الله اي تأثير أو تأخير، هتحصل أزمة كبيرة بين كل طوائف الشعب المصري مصر.
في الوقت الحالي مصر هيا أكبر مستورد في العالم للقمح، وده طبعا بيكلف مصر فاتورة استيرادية كبيرة جدا لتوفير قوت المصريين، ولكن الدولة خطت خطة عمل لتقليل ووقف استيراد القمح من الخارج وتحقيق الاكتفاء الذاتي لرغيف خبز المصريين.
طيب إزاي مصر هتحقق الاكتفاء الذاتي من القمح وامتي مصر هتقدر توقف استيراد القمح من الخارج ؟.
مصر في الوقت الحالي عندها خطة لتحقيق الاكتفاء الذاتي من القمح لحد 2030، وده بيحصل عن أكثر من طريق زي رفع إنتاجية الفدان وتوسيع المساحات المزروعة وتقليل الاعتماد على الاستيراد.
أول خطوة للدولة لتحقيق الاكتفاء الذاتي من القمح هو زيادة مساحة الزراعة، والحكومة بتوسع المساحات المزروعة قمح من خلال مشروعات استصلاح واستغلال أراضي جديدة لرفع الإنتاج المحلي، وفي موسم 2025 حصل تحسن كبير في إنتاجية الفدان.
تاني خطوة للحكومة لتحقيق الاكتفاء الذاتي من القمح هيا تحسين إنتاجية الفدان، وده بيحصل عن طريق إدخال أصناف عالية الإنتاجية، وتقديم دعم فني للمزارعين من تقاوي محسنة، وتقديم خدمات الإرشاد الزراعي، والاهتمام بتوعيه المزارعين بمواعيد السماد والري بهدف زيادة المحصول لكل فدان.
تالت خطوة لتحقيق الاكتفاء الذاتي من محصول القمح هيا رفع سعر توريد القمح ودعم المزارعين، وده بهدف تحفيز المزارع بتثبيت ورفع أسعار التوريد أحيانا علشان تشجع زراعة محصول القمح وتقلل للبيع في السوق السودا للتجارة بالقمح.
في نقطة كمان الدولة عملتها محدش أخذ باله منه وهيا بناء وتوسيع سعة التخزين والصوامع، وزيادة عدد الصوامع والسعات التخزينية علشان نخزن المحصول المحلي ونكون احتياطي استراتيجي يكفي شهور طويلة، ده مهم لتأمين الخبز وقت أي تقلبات في السوق العالمي.
في الوقت اللي الدولة شغاله علسان توسع الرقعة الزراعية في حاجة تانية بتحصل بالتوزاري لتأمين رغيف خبز المصريين وهيا استمرار دعم رغيف الخبز البلدي، وهنا الدولة بتتحمل فرق التكلفة لأصحاب المخابز عشان المواطن يستمر ياخد رغيف مدعم، ده غير أن الخطوات اللي بتقوم بيها الزبون لتحديث منظومة التموين وصرف نقاط الخبز بانتظام والتحقق من وصول الدعم لمستحقيه.
