أخيرا.. خطوات شراء شقة بقسط شهري 1000 جنيه

نفسك في شقة بس مش معاك مقدم "التمويل العقاري"؟

الدولة عملتلك الحل السحري وهو "الإيجار التمليكي".

الموضوع ببساطة إنك بتأجر الشقة من الحكومة بملبغ بسيط وغالبا بيكون في حدود الف جنيه.

وفي نهاية المدة الشقة بتبقى ملكك.. والخطوات سهلة جدا.

أولا بتابع طرح "صندوق الإسكان الاجتماعي" لمحور الإيجار، وده بيبدأ بتقديم إيصال مرافق وصورة بطاقتك وبحث اجتماعي.

ثانيا بتدفع مبلغ "جدية حجز" بسيط جدا وبعدها بتستلم شقة متشطبة جاهزة على السكن فوراً.

ثالثا.. عقد الإيجار بيكون لمدة ٧ سنين قابلة للتجديد، والمفاجأة إن الدولة بتدعمك بمبلغ نقدي شهري بيخصم من قيمة الإيجار نفسه.

رابعا في أي وقت خلال مدة الإيجار، تقدر تطلب شراء الشقة وساعتها بيتم خصم كل اللي دفعته من تمنها الإجمالي.

يعني بتسكن وتدفع إيجار، وفي الآخر بتملك أصل عقاري.