الجنيه المصري راجع وبقوة.. خبر يهم كل بيت في مصر
الأربعاء 10/سبتمبر/2025 - 04:00 ص
الجنيه المصري بيوصل لأقوى مستوى ليه قدام الدولار من سنة.. وصل سعره النهاردة لـ 47.90 جنيه في كل البنوك. الرقم ده مشفنهوش بقالنا فترة طويلة.. ودي مش صدفة.
السبب ببساطة هو قصة العرض والطلب.. اللي حصل هو إن كمية الدولار زادت.. وده حصل بسبب صفقة البحر الأحمر اللي ضخت مليارات الدولارات.. وبعتت رسالة قوية للمستثمرين في العالم إن مصر بيئة آمنة للاستثمار.
ده غير الرقابة القوية من الحكومة اللي قضت على المضاربات في السوق الموازي.
التأثير هيوصلك.. بس مش في يوم وليلة.. الأسعار مش بتستجيب بنفس السرعة.. لكن تكلفة الاستيراد هتقل.. والسلع هتبدأ تنزل تدريجيا.
الجنيه راجع بقوة.. ودي بداية مرحلة جديدة.
