من تحسين مصادر الدخل الدولاري.. شوف الحاجات اللي اعتمدت عليها الحكومة لتحسين صرف الجنيه المصري
الجنيه المصري راجع لعصره وهيكون واحد من أهم العملات اللي عليها طلب في العالم .. ياتري أمتي سعر صرف الجنيه المصري هيكون احسن قدام العملات الأجنبية.. وآية الأسباب الي بتخلي سعر صرف الجنيه المصري يكون أفضل.
من فترات طويلة ومصر بدأت بناء برنامج اقتصادي صعب وكان له تأثيرا سلبية كبيرة جدا علي الدخل الاقتصادي للمواطنين، وده خلي اغلب الناس تفكر أن الاقتصاد المصري في حالة صعبة وان الحكومة ضيعت البلد وحملتنا بديون ملهاش اول من اخر ولكن اللي جاي علي البلد دي اخرتها محدش عارفها بس من ملامحها مش هيكون كويس.
كل الكلام السلبي ده القنوات المعادية لمصر نقلته وروجت له وللاسف في ناس كتير صدقته خصوصا أن الأعباء الاقتصادية كانت كتيرة علي الناس ده اللي خلي الناس يخيل لها أن الكلام ده حقيقي، ولكن اللي عارف كان متأكد أن الحكومة بدأت برنامج اقتصادي صعب وقائم علي مواجهة التحديات خصوصا أن مصادر الدخل الدولاري بتاعنا للاسف كانت محدودة ودخلنا واننا للأسف كما بتعتمد علي تحقيق الاكتفاء الذاتي في حاجات كتيرة جدا من احتياجاتنا المحلية من خلال الاستيراد وده كان بيستنزف كل مواردنا ومخلي البلد محتاجة علي طول لعملاء أجنبية.
طيب إزاي الدولة خلت سعر صرف الجنيه المصري يبدأ يتحسن ؟.
من بداية تأسيس الجمهورية الجديدة الاقتصاد كان فيها هو عامل الأساس، والدولة اعتمدت فيه علي فتح مصادر دخل دولاري لمصر من كل القطاعات، خصوصا أن التجربة أثبتت أن الاعتماد علي مصدر دخل واحد أو اثنين من مصادر الدخل اكبر خطأ خصوصا أنه مع اول أزمة باتت النتيجة الحقيقة وبقي عندنا أزمة في توفير العملات الأجنبية، ومش عارفين نوفر احتياجات السوق المحلي وبقينا في أزمة حقيقية وكان لازم يكون في تدخلات حقيقية للتخلص من الأزمة وحل المشكلة من جذورها.
علشان نوصل لحلول لكل مشاكلنا الحكومة بدأت تبني البرنامج الاقتصادي بتشجيع الصناعة وإعادة تشغيل المصانع اللي كانت متوقفة عن العمل وشجعنا التصدير واستهدفنا جذب مختلف الاستثمارات الأجنبية للسوق المصري وقدمنا تسهيلات وتحفيزات ليهم مكانش موجودة قبل كده، وكانت نتيجة لكده أن السوق المصري بقي أهم سوق من أسواق العالم في جذب المستثمرين وبقي في اقبال كبير جدا من كل المستثمرين من كل دول العالم علشان يدخلوا السوق المصري ويستفادوا من التسهيلات اللي بتقدمها الحكومة للمواطنين والامكانيات والعلاقات التجارية والسياسية اللي موجودة بين مصر وأغلب دول العالم واللي خلت المنتجات المصرية توصل لكل الأسواق العالمية بدون اي مشاكل او رسوم جمركية جزافية.
كل التحركات اللي قامت بيها الحكومة واللي كلها كان الهدف منها هو جذب وفتح أبواب جديدة للدخل الدولاري خلت الاقتصاد المصري يكون وضعه احسن وده اللي انعكس علي سعر صرف الجنية المصري واللي حاليا بدأ يعمل ريمونتادا جديدة قدام الدولار وحاليا محقق مكاسب كبيرة جدا وكل المؤسسات الاقتصادية العالمية أشادت بالنتائج اللي حققها.
