خطة السيسي للتحكم في كهرباء وصناعة أوروبا.. شوف إيه اللي بيحصل
خلاص جه الوقت اللي مصر هتتحكم فيه في كهرباء أوروبا بالكامل واقتصاد القارة العجوز كل هيكون تحت أيدينا.. ياتري ازاي مصر هتتحكم في كهرباء قارة أوروبا.. وآية الفائدة اللي هترجع لمصر من السيطرة علي شبكات الكهرباء.
اللي فات كوم. اللي جاي كوم تاني خالص خصوصا أن مصر بدأت تشتغل صح وبدأت تستغل موقعها الجغرافي لاول مرة بالشكل المطلوب بين أكثر 3 قارات في العالم وهنا اسيا وافريقيا وأوروبا، وهتبدا تكون البوابة اللي بتمر منها كل التجارية والطاقة العالمية وهيكون عندنا المفتاح نشغل بمين ونقفل علي مين وده من خلال الاستراتيجية الوطنية للطاقة اللي الحكومة تنفذها بالحرف الواحد حاليا.
الاستراتيجية الوطنية للطاقة في عدد كبير من البنود أهمهم خطة التوسع في استخدامات الطاقة الجديدة والمتجددة وزيادة الاستثمارات الخاصة في بناء محطات الطاقة الشمسية وطاقة الرياح وتوليد الكهرباء من مصادر طاقة نظيفة وغير مستهلكة وقليلة الانفاق، وده مصر عدلت فيه خطوات مهمة جدا وبقي عندنا هدف أننا نوصل بالطاقة المتجددة الي 42% من إجمالي الطاقة المستهلكة علي الشبكة الموحدة للكهرباء في 2030 وهترتفع مساهمات الطاقة المتجددة علي الشبكة ل 65% من إجمالي الاستهلاك المحلي في 2040.
التوسعات الجديدة في إنشاء وتوليد الكهرباء من مصادر الطاقة المتجددة فتحت للدولة كنز جديد مكنش حد حاطه في باله، ونقدر خلال وقت قصير قوي من فتح الباب قدام شركات القطاع الخاص والاستثمارات الأجنبية من تحقيق 2000 ميجاوات طاقة جديدة ومتجددة حاليا بقت موجودة علي الشبكة الموحدة للكهرباء من المحطات اللي اتبنت ودخل بالفعل في خطة التشغيل الحالي، والطاقات دي وفرت لمصر أكثر من 500 مليون دولار شهريا كانت مصر بتدفعهم في إستيراد الغاز الطبيعي والمازوت من الخارج لتشغيل محطات توليد الكهرباء.
في الفترة اللي جاية الحكومة بتستهدف زيادة استهداف وتحفيز شركات القطاع الخاص للدخول في الاستثمارات الأجنبية في سوق الطاقة في مصر، خصوصا أن مصر قدمت تحفيزات علي مسبوقة للشركات للدخول للسوق المصري،. وكمان في عقود الحكومة بتوقع عليها مع المستثمرين لشراء الطاقة المنتجة بعد بناء المشروع وبيكون جزء كبير منها بالدولار والجزء التاني من كمية الإنتاج بالجنية المصري وده حافز كبير جدا للشركات أنها تدخل وتستثمر في مجالات الطاقة المتجددة.
طيب ايه حكاية التحكم في كهرباء أوروبا وآية فائدته للاقتصاد المصري ؟.
خلال وقت قريب قوي هيكون في خط ربط كهربائي بين مصر اليونان وهيكون في خط تاني بين مصر وقبرص وده هيكون بوابتين لمصر لتصدير الكهرباء الي أوروبا، والمشروع ده بيمثل أهمية كبيرة جدا لمصر في خطة تحقيق التنمية المستدامة واستراتيجية الربط الكهربائي مع شبكات الدول المجاورة، وبيرسخ لدور مصر كمركز إقليمي للطاقة في منطقة الشرق المتوسط.
