وصلنا لأكثر من 750 مليون دولار.. مستهدفات الحكومة لزيادة صادرات الدواء
مصر رسمت خطط أنها هتكون الدولة الأولي في المنطقة العربية وأفريقيا في عدد كبير من الصناعات واحدة منهم هيا صناعة الدواء.. ياتري مصر بتتحرك في الملف ده ازاي.. وآية مستهدفات الحكومة من الصناعة دي.
علي مدار سنين طويلة فاتت الحكومة عملت شغل كبير جدا في مجالات البنية التحتية وتأهيل المصانع والشركات والطرق والموانئ المطارات علشان كده النقط الرئيسية اللي الحكومة هتبني عليها نهضتها الاقتصادية والخطة اللي الحكومة رسمت خطتها انها تكون الأكبر في كل حاجة. انها تكون الدولة الإقليمية وفي مختلف الصناعات.
واحدة من الصناعات المهمة جدا واللي الحكومة رسمت خطتها هيا صناعة الدواء والحكومة رسمت استراتيجية كبيرة لتحويل مصر لمركز إقليمي لصناعة وتصدير الدواء في افريقيا الشرط الأوسط، وخلال السنين اللي فاتت الحكومة حدثت البنية التحتية بشكل كامل في صناعة الدواء وكمان فتحت السوق المصري قدام القطاع الخاص للدخول والاستثمار فيه، واستهدفت تكنولوجيا جديده وصناعات كتيرة مكنتش معروفة بالنسبة لينا قبل كده، وده اللي خلي الحكومة تدخل وتصنع انواع كتيرة ومختلفة من الأدوية كانت الدولة بتعتمد عليهم بشكل كامل من الاستيراد، وده طبعا كان تكلفة إضافية علي الفاتورة الاستيرادية لمصر من الخارج .
الجهود اللي قامت بيها الحكومة علي مدار السنين اللي فاتت رفعت فاتورة التصدير الخارجي من سوق الدولار لأكثر من 750 مليون دولار، لسه الدولة مكملة خطتها وبدأت حاليا في جذب استثمارات أجنبية جديدة لسوق الدواء المصري وبدأت انتاج انواع كتيرة من الأدوية والمستلزمات الطبية اللي كان كل اعتمادنا عليها في السنين اللي فاتت علي الاستيراد الخارجي ده غير أننا بدأنا ننتج عد كبير من الأطراف الصناعية اللي خلي مصر تحقق مكاسب كبيرة جدا اولا من ناحيه توفير فاتورة استيرادية كبيرة جدا كانت الدولة بتخصصها لعمليات الاستيراد من الخارج، ده غير أننا فتحنا باب مهم جدا وقواعد وعليه إقبال كبير من صادرات الدواء، واخيرا السوق المصري بقي بيضم نسبة كبيرة من كبري شركات الأدوية وانواع كتيرة من التكنولوجيا الحديثة في صناعة الدواء وكمان وفرنا عدد كبير من فرص العمل للشباب.
طيب اية الأسواق المستهدفة للحكومة من صناعة وصادرت الدواء ؟.
اغلب تركيز وصادرت الدواء المصرية موجهة لقارة افريقيا واللي اغلب دول العالم مركزة عليها في كل صادرات خصوصا أن السوق الافريقي سوق واعد وقابل لكل انواع الصادرات وكمان اغلب الدول الأفريقية معندناش الملكات اللي تمكنها من الدخول في صناعة مهمة جدا زي صناعة الدواء.
الحكومة خلال الفترة اللي فاتت اخذت خطوة استباقية وعملت عدد كبير من المراكز اللوجستية في عدد كبير من الدول الأفريقية واللي الهدف منها هو الدخول وتوفير الصادرات للسوق الافريقي خصوصا أن أغلب دول القارة السمراء بتعاني من نقص شديد في البنية التحتية وبالتالي وصوب الصادرات للمستهلك كان بياخذ وقت طويل جدا وده عن واحدة من معوقات التصدير.
