ثورة الطرق والكباري.. شوف هدف السيسي من بناء الطرق والكباري في كل المحافظات المصرية
مصر كلها بقت طرق وكباري.. والحكومة معندهاش شغله غير بناء الطرق والكباري.. اكيد العبارات قولتها أو سمعتها في يوم من الايام.. يا ترى إيه سر اهتمام الحكومة بالتوسع في بناء الطرق والكباري.. واية الفايدة اللي بترجع علي الاقتصاد منهم.
من بداية تولي الرئيس عبدالفتاح السيسي لبناء الجمهورية الجديدة، وهو عطي اهتمام خاص لاعادة بناء البنية التحتية للدولة المصرية وكانت البداية بتحديث الطرق والكباري، وفعلا الحكومة توسعت جدا في تشييد الطرق والكباري وحصلت في مصر ثورة كبيرة في مجالات النقل، لدرجه أن الشعب في فترة من الفترات كانوا بيقولوا علي الحكومة حكومة الطرق والكباري بسبب الطرق والكباري الكتيرة اللي اتعملت في مصر.
الثورة الكبيرة اللي عملتها الحكومة في تحديث البنية التحتية للطرق والكباري لها اكثر من هدف عند الحكومة أولهم مواجهة الضغط السكاني ومرور المدن الكبرى، وعندنا مدينة واحدة زي القاهرة بتضم أكثر من 20 مليون نسمة، وطبعا الاعداد دي مرشحة للزيادة في المستقبل، وده بيخلق ضغط قوي على البنية التحتية المرورية.
تاني هدف للحكومة المصرية في ثورة التوسع في بناء الطرق والكباري كان دعم التنمية الاقتصادية واللوجستي وده بعهدف تسهيل حركة نقل المنتجات الزراعية والصناعية بين مناطق الإنتاج والموانئ والمراكز الحضرية بهدف دعم التجارة الداخلية والخارجية، وبفضل الجهود الكتيرة اللي قامت بيها الحكومة في تحديث البنية التحتية في الطرق والكباري، ارتفع مؤشر جودة الطرق في مصر من المرتبة 118 عام 2014 للمرتبة ال 18 في 2024.
الحكومة استهدفت كمان من الثورة الكبيرة اللي حصلت في مجالات الطرق والكباري ربط المناطق الجديدة والعاصمة الإدارية، وتنمية المدن الجديدة زي العاصمة الإدارية الجديد والعلمين وغيرها من المدن الجديدة اللي الحكومة ضافتها لملف التنمية العمرانية في مصر، وده بتطلب وجود شبكة قوية من الطرق والكباري لربطها بمراكز الخدمات، وشبكة الطرق استهدفت تعزيز الاندماج الجغرافي ودعم انتقال السكان والاستثمارات في مصر .
خطة الحكومة لتنمية البنية التحتية في الطرق والكباري استهدفت كمان تعزيز موقع مصر الاستراتيجي وبناء خطوط لربط مصر مع باقي دول العالم، والحكومة حاليا بتستهدف ربط مصر مع عدد كبير من دول العالم، زي طريق القاهرة - كيب تاون واللي كلها بتستهدف تحويل مصر إلى محور لوجستي إقليمي، ده غير خطط ربط مصر بالسعودية عن طريق جسر بري مستقبلي هدفه تعزيز الترابط الإقليمي والتبادل التجاري.
