مفاجأة في أسعار الدهب بالأسواق.. مؤشرات الأسعار رايحة على فين؟
يا ترى إيه اللي حصل في أسعار الدهب دلوقتي، خاصة بعد ما الأسعار كانت ماشية في سكة ارتفاع وصعود غير طبيعي بسبب الحروب والتوترات، وليه فجأة عملت مفاجأة وإيه اللي ممكن يحصل الفترة الجاية؟
في الحقيقة، أسعار الدهب العالمية دلوقتي بتنزل وده لأسباب غير معروفة، فرغم إن الحرب بين إيران وإسرائيل ولعت الدنيا وخاصة أسعار المعدن الأصفر، رجع الجرام يهبط تاني.
ودلوقتي، سعر الاوقية سجل حوالي 3387 دولار، بعد ما كان قرب يوصل لـ3500 دولار في شهر أبريل اللي فات، ودع في حد ذاته رقم ما شافهوش الدهب قبل كده إلا في أوقات الأزمات الكبيرة زي الحروب.
طيب عندنا في مصر، الأسعار عندنا عملت إيه؟
عندنا، عيار 21 اللي هو الاكتر مبيعا، وصل ل 4830 جنيه بدون مصنعية، وكمان عيار 24 ب 5520 جنيه، وبردو عيار 18 بقى ب 4140 جنيه، وسجل الجنيه الذهب 38480 جنيه، والأسعار ذي بتخلي ناس كتير تسأل "نشتري دلوقتي ولا نستتي شوية؟".
بص يا سيدي، طبعا كلنا عارفين إن الدهب هو الملاذ الآمن، ومحدش يعرف قمته ولا قاعه، بس دايما هو استثمار طويل الأجل بيحافظ على قيمته، فأي حد معاه فلوس بيحطها فب الدهب، يعن لو معاك فلوس مش محتاجها قريب، ممكن يكون الوقت كويس تشتري، بس لو مستني تنزل الأسعار قوي، فمفيش حد يقدر يضمن ده.
عشان كده الخبرا بيقولوا إن السعر في مصر بيتأثر بحاجة من اتنين، الأول هو سعر الدولار، والعامل التانس هو سعر العالمي للدهب، يعني لو الدولار نزل أكتر قدام الجنيه ممكن تشوف الأسعار تهدى شوية.
لكن لو حصل أي توتر جديد عالميا خاصة بين إيران وإسرائيل أو روسيا وأوكرانيا او حتى حرب اقتصادية جديدة بين أمريكا والصين السعر، فممكن الدهب يولع تاني فجأة.
والخلاصة هي إن لو حضرتك محتاج تشتري للزينة أو مناسبة قريبة فاشتري عيار أقل زى 18، أما بقى لو بتفكر في استثمار طويل المدى، فالجنيهات الدهب هي الأحسن، ولو معندكش فائض مالي تخاطرش، لأن السوق متقلب.
وفي النهاية، نقدر نقولك إن في وقت زي اللي إحنا فيه، كل جنيه ليه قيمته، والدهب عمره ما كان بس للمظاهر، ده بقى خط دفاع اقتصادي في زمن كله حروب سياسة واقتصادية.
