بعد هجوم إسرائيل على إيران.. اختبار حاسم لمكانة الدولار كأصل آمن.. شوف اللي حصل
يا ترى إيه اللي حصل للدولار بعد الحرب بين إسرائيل وإيران، هل مكانة العملة الخضرا اتأثرت بالحرب واتهزت ولا لسه محافظ على سعره، والأيام الجاية هتحصل فيها إيه؟
في الحقيقة، اللي حصل في الساعات الأخيرة بين إيران وإسرائيل وأجواء الحرب ولع الدنيا وعمل قلبان في أسواق الشرق الأوسط، وأثر بشكل كبير على الدولار.
وحاليا، في اللحظة المفروض فيها الناس تهرب نحية الدولار وتحتمي بيه، لقيناه بيرجع ورا، بعدها لما النفط ارتفع جامد الدولار رجع بكسب على حساب العملات التانية.
عندك كمان في شوية أزمات بتحاوط الدولار في الفترة الحالية، خاصة بعد أزمة الرسوم الجمركية والحرب التجارية اللي حصلت بين أمريكا والصين، والدولار اتحول لعملة "أصل آمن" وده سببه كذا عامل، أولها إنها بقت أكبر منتج نفط في العالم، فبقت جزء من لعبة الطاقة، مش بس مستهلك.
كمان، الأسواق العالمية بدأت تفقد الثقة في السياسة الاقتصادية الأمريكية، خاصة مع تصرفات زي زيادة العجز والتوترات التجارية.
وفوق كل ده، المستثمرين بيبيعوا الأصول الأمريكية، زي الأسهم للسندا، وده خبط الدولار جامد، عاشه كده مؤشر "بلومبرج" للدولار نزل لأقل مستوى ليه من 3 سنين، يعني اللي كان بيجري على الدولار زمان، دلوقتي بقى بيبص عليه كويس.
زفي محللين كبار بيقولوا إن الدولار فقد 3 حاجات مهمة، زهي استقرار سعره وكمان السيولة والمصداقيو، ودي الركائز اللي أي أصل آمن لازم يقوم عليها.
حاليا، العالم بيغلي وإيران بتتوعد بالرد، وكمان إسرائيل مكملة في التصعيد، والاقتصاد الأمريكي مش في أحسن حالاته، يعني الدولار داخل على اختبار حقيقي، وهو اختبار لمكانته العالمي، هل هيفضل هو القائد والمثير ولا نشوف تحول تاريخي قدام عنينا في سوق العملات العالمية؟
وفي النهاية نقدر نقول، إن مستقبل الدولار شبه غامض، بس الأكيد بحسب كلام المحللين وكبار رجال الاقتصاد الأمريكي إن العملة الخضرا داخله على رحلة هبوط جديدة، وبالتالي هتتآثر بشكل كبير، ومعاها مكن يعاد تشكيل الاقتصاد الأمريكي.
