هل يشهد الاقتصاد العالمي تقلبات جديدة؟.. شوف اللي هيحصل
يا ترى إيه اللي هيحصل الأيام الجاية، هل ممكن الاقتصاد العالمي يمر بأزمة جديدة ولا في مؤشرات إيجابية بتقول إن اللي جاي عنب؟، طب إيه اللي ممكن يحصل وهل هيأثر علينا في مصر ولا لأ؟
في الحقيقة، الاقتصاد العالمي بيمر بأزمة كبيرة الفترة دي، وده لأن ف مؤشرات بتقول إن الأسواق هتدخل على موجة تقلبات كبيرة، وده بسبب التغيرات السياسية اللي بتحصل وتحديدا في أمريكا.
عشان كده، خبراؤ الاقتصاد قالوا إن ممكن جدا الظروف السياسة دي تأثر على الاقتصاد، وممكن يحصل ارتفاع في أسعار الدهب والبتكوين اللي هي عملة رقمية متداولة في أمريكا وعدد من الدول، بس طبعا كل ده مرتبط باللي هيحصل.
والكلام ده معناه، إن لو حصلت توترات أو اضطرابات سياسية في أمريكا خاصة بعد مظاهرات نيويورك، ممكن جدا المستثمرين يرجعوا يدوروا على ملاذ آمن، والملاذ ده بيكون الدهب، وبالتالي هيشروه بكميات كبيرة عشان يتحوطوا من اللي جاي ومع الدهب كل حاجة ترفع.
ومتوقع كمان، إن الأسعار هتعلى تاني في أقرب وقت، عشان التوترات السياسية والاقتصادية في العالم مش بتقل، لأ دي بتزيد، والخبرا اتكلموا برضو عن البيتكوين، واللي في ناس كتير بدأت تعتبره أصل بديل عن الدولار في وقت الأزمات، وده بيخلي سعره يتحرك بقوة لما السوق ينام.
عندك برضو، استقرار أسعار الدهب دولتي ولو بشكل نسبي ممكن يتغير قريب جدا، وده بسبب توقعات حدوث تحركات في الفايدة وتغيير السياسة النقدية الأمريكية، واللي بالتالي بتأثر على السوق العالمي في كل الدول واللي منها مصر.
كمان، الخبراء بيقولوا إن السوق ممكن يقلب في أي لحظة، وإن تصريح من أمريكا، أو تطور سياسي أو حتى بيان من البنك الفيدرالي ممكن يخلي الأسعار تطير أو تنزل فجأة.
وطبعا ما ننساش إن صندوق النقد الدولي قال إنه بيركز على مواجهة التحديات الاقتصادية الكبيرة في المنطقة، وده معناه إن فيه استعدادات لحالة من التذبذب الاقتصادي مش بس في الغرب، لكن كمان في الشرق الأوسط.
وكل ده ده بيأكد إن اللي جاي ممكن يكون أصعب، ومحتاج حذر شوية سواء من المستثمرين أو حتى من الناس العادية اللي بتشتري دهب كنوع من الأمان.
وفي النهاية، نقدر نقولك إن الاقتصاد العالمي فعليا داخل على مرحلة فيها قلق وتقلبات كتير، وكمان الدهب والبيتكوين مرشحين للصعود والدولار نفسه ممكن بيتحرك بقوة، عشان كده خليك مراقب السوق كويس واعمل حسابك.
