أكثر من مليون أسرة على موعد مع رسالة مهمة من الإسكان الاجتماعي شوف ايه حكايتها
ما يقرب من مليون مصري منتظرين رسالة مهمة جدا من وزارة الإسكان هتغير مستقبلهم.. ياتري اية حكاية الرسالة دي.. وآية أهميتها لأكثر من نصف مليون مصري.. واية علاقاتها بتغيير مستقبل المصريين.
في تحديات كتيرة جدا وصعبة مرت علي المصريين بسبب الظروف والتحديات والتغيرات الجيوسياسية والاقتصادية، بس مع كل تحدي صعب كانت الحكومة بتاكد انها في صف المواطن المصري البسيط، وأنها دائما منحازة للشعب، وده اللي عملته الحكومة لما طرحت مبادرة سكن لكل المصريين 5 واللي هدفه مواجهة الفقاعة العقارية اللي بيعاني منها سوق العقارات في مصر، واللي كانت سبب في أزمة كبيرة في قطاع الإسكان في مصر علي الرغم من الثورة العقارية الكبيرة اللي قامت بيها الحكومة علي مدار الشهور اللي فاتت.
الفقاعة العقارية اللي سوق العقارات في مصر بيعاني منها علي مدار سنين طويلة، الحكومة بدأت تواجهها بزيادة المعروض من الشقق السكنية المختلفة علشان تناسب كل الازواق وتناسب كل المستويات، وعلي مدار الفترة اللي الحكومة أعلنت عن انقر نو مشروع سكني سواء والبداية كانت بطرح للشقق السكنية الفاخرة وبعدها جه الدور علي الشقق الخاصة بمستوطي الدخل واخيرا جه الدور علي الإسكان الاجتماعي واللي حصل عليها إقبال تاريخي و صل عددا الناس اللي اشتروا كراسات الشروط لما يقرب من 600 الف مواطن في مفاجأة كبيرة الحكومة.
الإقبال الكبير اللي حصل من الناس الي شقق الاسكان الاجتماعي شجع الحكومة لإعادة الاعلان عن طرح جديد لشقق الاسكان الاجتماعي واللي هيبدا مع بداية شهر يوليو اللي جاي، بإجمالي أكثر من 400 الف شقة وبدأت فعلا الوزارة تفتح باب الحجز فيهم للإسكان المتوسط واللي بيكون باسبقية الحجز .
من ايام قليلة الحكومة حددت موعد انتهاء تظلمات سكان لكل المصريين 5 واللي هيكون بكرة السبت الموافق 24 مايو الحالي، ووصل عدد المواطنين المستوفين للشروط لأكثر من 420 الف مواطن بإجمالي أكثر من مليون أسرة، كلهم حاليا في انتظار رسالة مهمة جدا لكل أسرة من الأسر اللي مقدمه في اعلان سكل لكل المصريين 5 واللي هتبدا الوزارة في إعلانه نتيجة الأولوية للمستحقين يوم الخميس اللي جاي 29 مايو الحالي والوزارة هترسل رسائل لكل المتقدمين في العالم سواء كانوا مستحقين أو غير مستحقين علشان يعرفوا موقفهم من الفوز بالقرعة الالكترونية أو لا، واللي مش هيكون لهم حظ في الفوز في القرعة الحكومة خصصت لهم اعلان هفتح باب الحجز في شهر يوليو اللي جاي وهيكون لهم الأولوية في الفوز بالقرعة.
