لو قابلت بنزين مغشوش.. شوف إزاي تحصل على تعويض

في الفترة الأخيرة، سجل ناس كتير شكاوى بخصوص البنزين المغشوش واللي تم ضبطه في بعض البنزينات، عشان كده أعلنت وزارة البترول والثروة المعدنية عن قرارها بصرف مبلغ مماثل لقيمة الفاتورة المعتمدة لاستبدال طلمبة البنزين وبحد أقصى 2000 جنيه مصري لأصحاب الشكاوى اللي تقدموا بالشكوى.
وده هيكون من خلال الخط الساخن (16528) أو موقع منظومة الشكاوى الحكومية، بس لازم تكون الشكوى مقدمة خلال الفترة من 4 إلى 10 مايو 2025 وبخصوص نفس الفترة.

وتسهيلًا على المواطنين أصحاب الشكاوى، فتم فتح باب استقبال المستندات المطلوبة من أصحاب الشكاوى المؤهلين للحصول على التعويض المقرر، وده عبر وسائل إلكترونية ميسرة لتسريع عملية الفحص والبت في الطلبات.

وممكن المواطنين يرسلوا صور المستندات المطلوبة عبر رفع المستندات من خلال رابط منظومة الشكاوى الحكومية الموحدة، من خلال الموقع الإلكتروني للبوابة، أو على الواتساب على أرقام  01288816528 وكمان  01222216528