السبت 15 فبراير 2025
رئيس التحرير
عمرو عامر
المشرف العام
عبدالعظيم حشيش
رئيس التحرير
عمرو عامر
المشرف العام
عبدالعظيم حشيش
اقتصاد مصر

حدث هام.. إيه اللي حصل في وزارة البترول

الثلاثاء 28/يناير/2025 - 02:00 ص
انجازات البترول
انجازات البترول

ايه اللي بيحصل في قطاع البترول والغاز المصري في الفترة دي وإيه قصة المشروع العملاق في المياه العميقة وإزاي مصر قدرت تمصر قطاع التنقيب لأول مرة في قطاع البترول.

حصلت حاجة مهمة جدا في قطاع البترول وهتكون مصدر فخر لكل العاملين في القطاع دا وهي إن لاول مرة شركة مصرية خالصة تنتهي من مشروع تنمية حقول الغاز.. والحدث مهم لان العمليات اللي زي دي كانت مقتصرة على الشركات الأجنبية العالمية العاملة في مصر وطبعا كانت بتكسب ملايين الدولارات من الخزينة المصرية.


ولو روجنا للتفاصيل هنلاقى إن وزارة البترول والثروة المعدنية في مصر أعلنت من شوية إن شركة خدمات البترول البحرية انتهت من تنفيذ الأعمال البحرية بالمرحلة العاشرة من مشروع تنمية حقل غاز غرب الدلتا العميق (WDDM) لشركة البرلس للغاز وقال بيان الوزارة إن بكده  تكون خدمات البترول البحرية أول شركة مصرية وعربية قادرة على تنفيذ مشروعات كبيرة في المياه العميقة وبمعايير عالمية.

وشرحت الوزارة إن شركة "PMS" نجحت في وضع آبار المرحلة العاشرة على الإنتاج في وقت قياسي، باستخدام تقنيات متطورة مثل معدات التحكم الآلي تحت الماء وكمان تنفيذ الأعمال باستخدام الوحدات البحرية المتطورة في عمليات تزامنية مع أنظمة الغواصات الموجهة عن بعد الخاصة بشركة DeepTech.

واعتبرت الوزارة المشروع نموذج للتعاون بين القطاعين العام والخاص زي ما حصل في المشروع الأخير واللي تعاونت فيه PMS مع الشريك الاستراتيجي DeepTech لتقديم أعمال هندسية وتوريدات وتركيب وتشغيل في مجال إنزال كابلات كهربائية بحرية بعمق 660 متر وتركيب الوصلات الكهربائية والهيدروليكية والميكانيكية لربط الآبار على الإنتاج وكل التفاصيل دي بتقول إن المشروع  كان معقد وكبير ومكلف لكن الشركة المصرية كانت على قد الحدث ونجحت في تحقيق الهدف وهو فتح الطريق قدام الشركات المصرية للدخول في مجالات معقدة في مجال زي مجال البترول بكل تفاصيله.

الحدث مهم جدا ولانه بيفتح الباب قدام تخصصات جديدة وتشجيع شركات مصرية على اقتحام قطاع التنقيب عن البترول والغاز بكل تفاصيله وتوفير مليارات الدولارات على الدولة سنويا واللي بتتثمل في مستحقاتها المالية ودا لأن الدولة بتشتري منهم جزء من الانتاج للسوق المحلي ودا غير إن اللي حصل النهاردة بيأسس لمرحلة جديدة للشركات المصرية إنها تغامر وتنافس في القطاع الحيوي دا عشان تقدر توسع دايرة البحث والتنقيب عن الثروات المصرية وكمان تدريب كوادر بشرية تتولي القصة كلها بعدين في عمليات التنقيب والاستكشاف.

وأشارت الوزارة، أن هذه العمليات تعد خطوة هامة في تاريخ الشركة، حيث تم تعديل الوحدة البحرية PMS Mayo لتتمكن من إنزال الكابلات باستخدام كوادر الشركة المحلية.