ادفع 50 ألف جنيه واستلم وحدتك.. شوف ميعاد حجز شقق الإسكان الجديدة

ملايين من المصريين وخاصة الشباب بيدورا عن أي معلومات عن شقق وزارة الإسكان اللي يتم طرحها كل فترة في المدن الجديدة، وده حصل بعد ما أعلن المهندس شريف الشربيني وزير الإسكان والمرافق والمجتمعات العمرانية، عن طرح 1645 وحدة سكنية جديدة.. طب إيه تفاصيلها وأسعارها وامته يتم التسكين فيها.. هنقولك كل التفاصيل في الفيديو ده. 
 

وزير الإسكان أكد في الأيام الأخيرة على طرح شقق سكنة في 8 مدن جديدة، ومساحاتها بتصل إلى (161م2)، أما أنظمة السداد فبتكون ميسرة للحجز الفوري، والطرح ده بيجي ضمن آلية الإتاحة المباشرة للوحدات السكنية من خلال أجهزة المدن الجديدة، يعنى كراسة الشروط موجودة في جهاز المدنية ومافيش حجز الكتروني.

طب إيه هي تفاصيل وأسعار شقق وزارة الإسكان؟

متوفر 137 وحدة بمدينة 6 أكتوبر بمساحات تتراوح من (55م2 : 90م2)، ضمن مشروع الياسمين الإسكان القومي الحر، وممكن بمقدم 50 ألف جنيه تحصل عليها، لأن أسعارها بتتراوح بين 530 ألف جنيه وحتى 760 ألفا.

كمان متاح 255 وحدة بمدينة العاشر من رمضان بمساحات تتراوح من (63م2 : 105م2)، ضمن الإسكان القومي الحر بأسعار تصل إلى 650 ألف جنيه.

ضيف على ده، 878 وحدة “جنة” بمدينة المنصورة الجديدة بمساحات تتراوح من (100م2 : 150م2)،  بأسعار تصل لمليون و400 ألف وحتى مليون و700 ألف جنيه، وكمان 240 وحدة “جنة” بمدينة ملوي الجديدة بمساحات تتراوح من (100م2 : 161م2).

كل ده بجانب 8 وحدات بمدينة الصالحية الجديدة بمساحات تتراوح من (65م2 : 161م2)، وكمان 5 وحدات بمدينة العبور بمساحات تتراوح من (75م2 : 104م2)، و8 وحدات بمدينة برج العرب الجديدة بمساحات تتراوح من (79م2 : 140م2)، و114 بمدينة رشيد الجديدة بمساحات تتراوح من (90م2 : 93م2)، وبيتم التخصيص بنظام القرعة العلنية اليدوية، بعد انتهاء فترة الحجز.

ومن ناحية تانية، وزراة الإسكان والمرافق والمجتمعات العمرانية الجديدة، أعلنت عن موعد طرح 70 ألف وحدة سكنية ضمن مشروعات شقق الإسكان الاجتماعي لمحدودي ومتوسطي الدخل 2024، واللي هي هتكون سكن مناسب وبأسعار مناسبة وشروط ميسرة، وكمان متاح توافر التمويل العقاري، والوحدات السكنية دي متوفرة في المحافظات كمان بجانب  المدن الجديدة.

ونقدر نقول إن شقق الإسكان الاجتماعي المقرر الإعلان عنها خلال الفترة المقبلة بتشمل 10 آلاف وحدة لمتوسطي الدخل و60 ألف وحدة لمحدودي الدخل، وهيفتح باب التقدم عليها في شهر نوفمبر الجاي.

أما مواصفات شقق محدودي الدخل، فهتكون عبارة عن شقق جاهزة للتسليم في المحافظات والمناطق القديمة في حين أن بعض الوحدات في المدن الجديدة ستكون جاهزة للتسليم بعد 3 سنين، وهيتم تسليم الشقق كاملة التشطيب، وده معنله أنها هتكون جاهزة للسكن مباشرة بعد الاستلام.

وبتتكون العمارات من 6 أدوار، وكل دور بيحتوي على 4 وحدات سكنية، مساحة الوحدة حوالي 90 مترً مربع، وهي مساحة تعتبر مناسبة للعائلات الصغيرة والمتوسطة.

أما مساحات شقق محدودي الدخل، فهي من 75 إلى 90 متر، ومكونة من غرفتين أو ثلاث غرف.

وفي نهاية الفيديو، لو أنت عايز تتجوز أو تحجز إسكان اجتماعي، فالحق جهز ورقك عشان تقدم الشهر الجاي.