لتوفير مليارات الدولارات.. شوف الدولة بتعمل اية في قطاع الزراعة

 
الزراعة واحدة من الاعمدة المهمة لأي دولة في العالم، وهيا عمود الخيمة لكل الناس وبدونها مش هيكون في حياة تماما، وللاسف الأحداث اللي بتحصل في العالم اثرت بنسبة كبيرة عن الأنتاج.. طيب اية هيا خطة مصر للنهوض بقطاع الزراعة وتحقيق اكتفاء ذاتي من المحاصيل الزراعية وتوفير مليارات الدولارات.. شوف الفيديو ده للآخر وهتعرف التفاصيل

معروف من زمان أن الزراعة هيا الاساس اللي بتقوم عليه اي دولة في العالم والدولة اللي عندها زراعة بيكون عندها نهضة، وبيكون عندها صناعة خصوصا أن الصناعة بتقوم بشكل شبه كامل علي الزراعة، والحقيقة دي القيادة السياسية كانت واعية ليها من البداية والدولة عملت نهضة زراعية كبيرة للنهوض والتوسع في المساحات المزروعة، وفعلا الدولة عملت واستصلحت مساحات واسعة في الصحراء في كل المحافظات علشان خاطر توسع الرقعة الزراعية لمصر خصوصا أن مصر هيا المستورد الأول في العالم في استيراد القمح .

علي مدار الـ10 سنين اللي فاتوا الدولة عملت اكتر من مبادرة لاستصلاحات مساحات جديدة من الاراضي الزراعية واحدة من اهم المبادرات دي هيا المبادرة القومية لتطوير وتحديث منظومة الري في مليون فدان فى الأراضى الجديدة وفي مساحة حوالي 3.7 مليون فدان فى الأراضى القديمة، ده غير جهود التوسع فى زراعة الاصناف المحصولية قليلة الاحتياجات المائية وتنفيذ الممارسات الزراعية الموفرة للمياه، وده في اطار خطة الدولة لتوفير اكبر قدر من المياة لاستصلاح والتوسع في اضافة مساحات جديدة من الاراضي الزراعية للرقعة الزراعية .

طيب الدولة اضافت مساحة أد اية للرقعة الزراعية في مصر ؟.

الدولة في السنين اللي فاتت استهدفت استصلاح الصحراء لزيادة الرقعة الزراعية بأكثر من 3,5 مليون فدان، وأهم المناطق اللي الدولة اضافتها هيا مشروع توشكى الخير بمساحة 1.1 مليون فدان ومشروع الدلتا الجديدة العملاق بمساحة 2.2 مليون فدان ومشروع تنمية شمال ووسط سيناء بمساحة 456 ألف فدان ومشروع تنمية الريف المصرى بمساحة 1.5 مليون فدان، ده غير المشروعات التانية فى جنوب الصعيد والوادى الجديد بمساحة 650 ألف فدان.
مش كده بس لا ده كمان الدولة اهتمت بتطوير اصناف التقاوي، ورقمنة المنظومة بشكل كامل والدولة دشنت المشروع القومي لتطوير قصب السكر من خلال زراعة القصب بالشتل، ده غير كمان انطلاق مشروع إنشاء محطتى كوم أمبو ووادى الصعايدة بطاقة إنتاجية حوالى 200 مليون شتلة سنوياً وبتكلفة حوالي أكثر من 2 مليار جنيه.

ولان الدولة عايزة توصل الدعم الحكومة للمستفيدين فيما يخص وصول الأسمدة المدعمة فالدولة عملت بدأت تتوسع في منظومة التحول الرقمي والزراعة الذكية والذكاء الاصطناعي، وكان واحد من اهم الخدمات الرقمية اللي الدولة عملتها هيا مشروع منظومة كارت الفلاح الذكي واللي علي اساسها الفلاح بيصرف الأسمدة المدعمة خصوصا ان المنطقة دي زمان كان بيحصل فيها مهازل، وكان الدعم الحكومي للفلاح بيروح لغير المستحقين وكان الفلاح الأساسي مش بياخد منه حاجة، وده للاسف ادي لتراجع أنواع كتيرة من الزراعات اللي الدولة مستهدفها بشكل كامل .
وشفنا في الساعات الأخيرة أرقام الصادرات الزراعية ازاي زادت واللي تجاوزت 6.4 مليون طن في خلال 9 اشهر وبزيادة أكتر من 529 ألف طن عن نفس الفترة من العام الماضي.