هويس الاستثمارات فتح.. شركة إماراتية تضخ 400 مليون دولار في مصر
قلنا الاستثمار الأجنبي والعربي هو مفتاح كل الأزمات الاقتصادية في مصر.. ايه اللي حصل في الساعات الأخيرة وايه حكاية الصفقة الإماراتية الجديدة في مصر.. خليكم معانا للآخر وهتعرفوا التفاصيل
الاستثمار الأجنبي في مصر هو مفتاح لحل كل المشاكل الاقتصادية والمالية في أي بلد لانه بيعتمد على ضخ أموال من خارج البلد وضخها في السوق المحلية ومصر معرفتش طريق الانفراجة الاقتصادية في أزمة نقص الدولار غير بعد صفقة رأس الحكمة الإماراتية لأنها ضحت أموال جديدة وبمبالغ ضخمة فكت بيها الحكومة أزمتها المالية من النقد الأجنبي والحقيقة هويس الاستثمارات الأجنبية والعربية فتح بعد الصفقة الإماراتية واللي تزامن معاها تحرير سعر الصرف للجنيه المصري واللي كان نظام الحماية اللي عليه عائق أساسي قدام اي استثمارات خارجية بسبب تعدد سعر الصرف وحيرة المستثمرين في حساب تكلفة مشروعاتهم ومكاسبهم ودا كان سبب في توقف الاستثمارات في مصر بعد الأحداث الروسية الأوكرانية وظهور السوق السوداء في مصر.
بعد صفقة رأس الحكمة الاستثمارات تدفقت على مصر من دول كتير وشركات عالمية في كل المجالات وخاصة في القطاع السياحي والترفيهي والصناعي والعقارات وكلها قطاعات واعدة لاي مستثمر خارجي بعد التعديلات في إجراءات الاستثمار وإصلاح السوق المصرفي وشفنا صفقات كتير في منطقة قناة السويس الاقتصادية وفي الساحل الشمالي وفي قطاع الطاقة النظيفة والمليارات.
طيب ايه الجديد في قصة الاستثمارات الخارجية في مصر ؟
من شوية أحمد عارف، رئيس الجهاز التنفيذي لشركة إمكان مصر المملوكة لمجموعة أبو ظبي كابيتال الإماراتية (ADCG)، أعلن إن الشركة جذبت استثمارات بقيمة 400 مليون دولار في مصر.
وقال عارف خلال مؤتمر صحفي، إن الشركة تطور مشروعا في مدينة هليوبوليس الجديدة باستثمارات 100 مليار جنيه على مساحة 5 ملايين متر مربع بعدد 16 ألف وحدة سكنية،، ومن المقرر الانتهاء من المشروع بالكامل عام 2030... وقال كمان
إن الشركة الإماراتية تعاقدت مع شركة جلوبال إنرجي لتنفيذ المرحلة التالتة من البنية التحتية بالمشروع، وتشمل تنفيذ 3 كيلومترات من الطرق، و 44 كيلومتراً من كابلات الجهد المتوسط، وذلك بإجمالي استثمارات نحو 445 مليون جنيه مصري وإن الشركة بتستهدف كمان خلال الفترة الجاية زيادة رأس مالها وفتح أسواق جديدة في دول الخليج العربي ضمن سياسة الدولة لتصدير العقار، خاصة بعد ضخها استثمارات أجنبية كبرى بمصر.
وناخد بالنا كويس من كلمة تصدير العقار لأن ده قطاع واعد جدا في مصر وملف ممكن تدخل فيه استثمارات بمليارات الدولارات زي ما قلنا قبل كده هنا في بانكير وقلنا إن فيه دول بحالها اقتصادها قايم على تصدير العقار ودبي خير مثال وتصدير العقار معناه بناء عقارات ومقار إدارية في افخم الاماكن وبيعها بالدولار ودا قطاع لوحده كفيل أنه ينقل الاقتصاد المصري لحتة تانية خالص بفضل مواقعها الفريدة على الشواطئ وفي المدن الذكية الجديدة زي العلمين الجديدة مثلا والسخنة وسيناء وكفاية نعرف إن حجم سوق تصدير العقار في العالم بيوصل إلى 2 تريليون دولار.
