5 أسباب تخليك تستثمر فلوسك في الدهب من غير ما تفكر.. شوف الفيديو ده
يا ترى ليه أغلب المصريين بيحطوا فلوسها في الدهب، ولو حضرتك عايز تدخر فلوسك أو تستثمرها هل الدهب هيقدر يحافظ لك عليها ويزودها كمان مع الوقت، لو أنت محتار تابع الفيديو ده للآخر عشان هنقولك على الخلاصة.
طبعا، الدهب هو أفضل خيار على مر السنين، لأنه مابيخسرس، وبيعتبر من أكتر الأصول استقرارًا عبر الزمن، وهو من السلع الأكثر تداولًا عالميًا، فده بيخليه يبقي خيار استثماري موثوق وفريد من نوعه.
كمان، الاستثمار في الدهب بيعتبر فرصة لتحقيق أرباح كبيرة لما تيجي تبيعه، لأن مكاسبه على الأقل أكتر من 50% في السنة، يعني بيحافظ على فلوسك ويزودها بعكس أي حاجة تانية.
ومن مميزات الاستثمار في الدهب كمان، إن قيمته الاقتصادية مستقرة على المدى الطويل عشان كده اتسمى بالملاذ الآمن للادخار والاستثمار، وبيظهر كمان في أوقات الأزمات الاقتصادية، سواء عن الناس أو عند الدول، بمعنى لو حضرتك بتمر بأزمة مالية هتبيع الدهب اللي عندك وتحقق مكسب كويس منه.
وكل الخبراء ورواد هذه الصناعة، أكدوا إن الدهب بيتيح للمستثمرين تحقيق أعلى نسب استرداد، بمعنى لو مستثمر بيحط فلوسه في الدهب وبيشتري سبايبك أو عملات أو مشغولات عشان يحافظ على فلوسه ويحقق منها ربح في نفس الوقت، فالمعدن الأصفر بيضمن له ده وكمان انه يحقق عائد مجزي جدا على المدى البعيد.
كمان بيعتبر الذهب ملاذ آمن لادخار الأموال واستثمارها، والاستثمار في الذهب هو استراتيجية اقتصادية للحفاظ على قيمة الفلوس، بالإضافة لكده، بيمنحك فرصة تنويع محفظتك الاستثمارية وتحقيق أرباح عالية، عشان كده دايما الدهب خيار مثالي للادخار والاستثمار.
ولو حضرتك ناوي تشتري دهب اليومين دوم، هنقولك شوية نصايح عشان ماتتخمش، واللي منها انك تاخد جولة في كذا محل بين وتشوف وتسأل عن الأسعار عشان تتجنب إن يتنصب عليك، أو ممكن تشوف سعر الإنترنت وتشتري بناء عليه.
ولازم تسأل على قيمة المصنعية، لأن في تجار بيغشوا في الحتة دي، المصنعية بتتراوح ما بين 100 ل 200 جنيه حسب المنطقة اللي حضرتك عايش فيها.
لو هتشتري دهب، فركز في عيار21 لأنه الأقل مصنعية عند البيع، واختار تاجر موثوق وسمعته حلوة في السوق.
اوعى تشتري دهب فيه فصوص كتير، واختار الأشكال القليلة في النقوش عشان تكون مصنعيتها قليلة.
لو أنت معاك فلوس كتيرة شوية، فمن الأفضل انك تشتري سبايك الدهب، واتأكد كويس من الاختام.
وأخيرا، ماتنساش تاخد فاتورة ضريبية الدهب اللي اشتريته، وتشترط على التاجر إن يكون لها رقم السجل التجاري، وبيانات الضريبة عشان تضمن حقك القانوني في عملية الشرا وكمان لما تيجي تببع.
