مصير الدهب القديم بعد تطبيق دمغة الليزر.. التموين تكشف مفاجأة

 
 
ايه حكاية دمغة الدهب الجديدة بالليزر وايه الهدف منها والاهم ايه مصير الدهب القديم اللي الناس اشترتها لما تيجي تبيعه وهل قيمته هتقل لانه مدموغ بالدمغة القديمة.. كل دا هنعرفه مع حضراتكم في الفيديو ده خليكم معانا للآخر

في الأيام اللي فاتت زاد الكلام عن قرب تطبيق نظام جديد ومعتمد لدمغ الدهب هيعتمد على الليزر والتكنولوجيا الحديثة وانتهاء العمل بالدمغة القديمة وهنا الناس بدأت تسأل عن مصير الدهب اللي اشترته لما تفكر تبيعه وهل قيمته هتزل ولا لأ.. تعالوا نشوف أول الحكاية..

من ساعات كشف الدكتور شريف فاروق، وزير التموين والتجارة الداخلية، عن تفاصيل تطبيق الدمعة بالليزر ودا كان خلال تفقده معامل الإدارة العامة لدمغ المجوهرات ومعامل الإدارة العامة للموازين ومعامل إدارة التفتيش الفني بمصلحة دفع المصوغات والموازين.. وفي الزيارة قال الوزير إنه هيتم تطبيق الدمغة بالليزر قبل نهاية  2024، وإنه هيام التركيز على الاهتمام بالدمغ على نطاق واسع في الفترة الجاية ودا لسرعة تنفيذ عمل الدمغة بالليزر على الدهب ودا تحسبا لارتفاع الأسعار وإلغاء الدمغة القديمة.

وزير التموين والتجارة الداخلية قال كمان إن الوزارة حريصة على  استكمال منظومة التكويد ودمغ المشغولات الدهبية والمعادن الثمينة بالليزر لما لهذا المشروع من أهمية كبيرة في مجال صناعة الدهب واستخدام التكنولوجيا الحديثة لضمان حوكمة المعادن الثمينة بالليزر وقطع الطريق على محاولات تزوير الدمغة القديمة والتلاعب في المعروض من المعدن الأصفر.

وشرح الوزير إن نظام الدمغ بالليزر هيساعد على تعزيز الرقابة على أسواق المعادن والاحجار الكريمة من خلال الحد من الممارسات غير القانونية اللي تعرض المواطن للاحتيال والخداع وإن النظام الجديد هيعمل على زيادة موثوقية القطع المعدنية المصرية وبالتالي دعم قدرتها التنافسية في الأسواق العالمية.
طيب ايه مصير الدهب القديم ؟

بعد انتشار الإشاعات على وسائل التواصل بإلغاء الدهب القديم، فالكلام دا مش حقيقي بالمرة لأن المقصود بتطبيق نظام الدمغ بالليزر مجرد عملية تنظيمية لضبط سوق الصاغة في مصر من عمليات التلاعب وعشان يكون فيه سجل لكل قطعة دهب في السوق من أول تداولها لغاية اخر مرحله في البيع ودا ملهوش اي تأثير على عمليات بيع وشراء الدهب القديم المعتمد بالدمغة القديمة واللي هيحتفظ بنفس قيمته .
وبمناسبة الدهب وانسب الأوقات للاستثمار.. فكل التوقعات بتقول إن الأسعار هتستمر في الصعود الفترة الجاية بسبب التوترات العالمية وتوقعات انخفاض أسعار الفايدة الأمريكية واتجاه البنوك المركزية العالمية لشراء المعدن الأصفر بكميات كبيرة كملاذ آمن وللتحوط من انخفاض قيمة الدولار في احتياطيها من النقد وعشان كده أنسب وقت نشتري فيه دهب هو دلوقتي والاحتفاظ بيه مش اقل من 3 سنين قبل البيع.