شوف الدهب هيوصل لكام.. وإيه علاقة اجتماع الفيدرالي الأمريكي بالسعر عندنا

كل الناس حاليا مرتقبة اجتماع البنك الفيدرالي الأمريكي بخصوص أسعار الفايدة، وهل هيرفع الفائدة ولا هيفضل عليها.. وإيه تأثير الفائدة علي أسعار الذهب عندنا هنا في مصر .. شوف التقرير  ده وانت تعرف التفاصيل.

 
كل المتابعين لأسواق الدهب في مصر عارفين إن الدهب في خلال الشهرين اللي فاتوا طالع ومكمل في الطلوع ولو حصل له إنخفاض بيكون انخفاض محدود ومش بيتعدي 20 أو 30 جنية وحاليا سعر جرام الدهب 21 واللي هو الاكثر انتشارا وبيع كل في كل المحافظات وخصوصا محافظات الصعيد وصل ل 3465 جنيها وحاليا في اتجاه للصعود والكلام كله أنه هيوصل ل 3500 جنية في خلال أيام .
طيب اية هيا اسباب الارتفاعات اللي بتحصل في أسعار الذهب في مصر ؟.
مصر حاليا زيها زي باقي الدول اللي متأثرة بالاحداث اللي بتحصل في كل دول العالم وخصوصا في منطقة الشرق الأوسط والصراعات الكتيرة اللي بتهدد استقرار المنطقة بشكل كامل، وطبعا الصراعات  دي أثرت بشكل كامل علي الأسعار والاستثمار في العالم كله، خصوصا أن مفيش مستثمر هيدخل ويرمي فلوس استثمارات في الأرض إلا لو كانت المنطقة او البلد اللي هيعمل فيها مشروعه تكون مستقرة وبشكل كامل والمنطقة كلها مستقرة علشان يعرف يصدر ويستورد المنتجات اللي هيشتغل فيها .
وعلشان تكون عارفين أن موضوع الصراعات الموجودة في منطقة الشرق الأوسط بتأثر علي المنطقة العربية بشكل كامل  ومصر بشكل خاص، خصوصا في نقطة الاستثمار الأجنبية الي بتدخل لمصر من الخارج، وعلشان كده الحكومة في الفترة اللي فاتت عدلت التشريعات والقوانين اللي بتنظم دخول واستقبال الاستثمارات الأجنبية وسهلت الأمور بشكل كبير جدا، وكمان وحدات إجراءات استقبال ودخول المستثمرين وكل الإجراءات بقي الكتروني. الحصول عليها بقي سهل .
نرجع بقي لموضوع الدهب وآية هيا اسباب ارتفاعه في مصر حاليا ؟.
في الشهرين اللي فاتوا.. انتهي قرار مجلس الوزراء بالسماح بدخول المشغولات الذهبية مع المصريين العاملين بالخارج، والموضوع ده واحد من أهم وأكبر اسباب ارتفاع أسعار الذهب في مصر، خصوصا أن مص. استقبلت في الفترة اللي شملها القرار ما يقرب من 4 طن دهب، والكمية دي كبيرة جدا وخلت في ضغط منخفض جدا في الأسعار علي الشراء في مصر بمعني أن أغلب الناس اللي كانوا جايين من برا كانوا بيجيبوا دهب بالفلوس اللي موجودة معاهم بدلا من الدخول بيها خصوصا انهم عارفين أن أسعار الدهب في مصر اغلب بكتير من الدول اللي كانوا فيها وطبعا زيهم زي اي مواطن عايزين يكسبوا فكانوا بيشتروا ذهب من برا وبرجعوا يبيعوا لما يرجعوا مصر هنا ويستفادوا من فرق السعر ويحققوا هامش ربح .
مع انتهاء قرار مجلس الوزراء في شهر يونيو اللي فات، حاليا اي حد جاي من برا مصر هيدفع جمارك كبيرة جدا علي اي دهب جايبه معاه، وبالتالي دخول الدهب من المسافرين اختفي وبشكل كبير وبالتالي القوة الشرائية علي الذهب ارتفعت جدا وده اللي خلي الاسعار ارتفعت ووصلت للدرجة دي ومتوقع  أن الأسعار تزيد كمان عن كده في الأيام اللي جاية، ومتوقع أن الذهب يعدي 4 آلاف جنيها مستريح في الشهور اللي جاية .
طيب اية حكاية اجتماع الفيدرالي الأمريكي وتأثيره علي أسعار الذهب في مصر ؟.
في اجتماع مهم جدا هيعمله البنك الفيدرالي الأمريكي في شهر سبتمبر اللي جاي، ومتوقع أنه يخفض سعر الفايدة وبالتالي الإقبال هيزيد علي شراء الدهب وهنا الأسعار متوقع أنها ترتفع أكثر من الأسعار الحالية، خصوصا أن تخفيض اسعار الفايدة هيخلي الناس تسحب فلوسها من البنوك وهيخفف الضغط علي شراء شهادات الاستثمار وهيكون الاتجاه علي شراء الدهب هو الحل الأمن وبالتالي الأسعار هتزيد أكثر من كده لان الطلب عليه هيزيد علشان كده الخبراء نصحوا الناس اللي حابين يشتروا دهب ينزلوا دلوقتي قبل إرتفاع الأسعار أكثر من كده في الأيام اللي جاية .