مليارات الهند هلت.. ضربة جديدة للدولار

مليارات من بلاد الهند.. هو ايه اللي بيحصل في مصر وليه بقت سوق واعد للاستثمارات في افريقيا والشرق الأوسط وإيه تأثير التدفقات الدولارية على سوق الصرف.. كل التفاصيل هنعرفها في الفيديو دا خليكم معانا للأخر..
 

اللي مش هيسثتمر في مصر السنتين دول هيندم.. دي جملة قالها رجل أعمال كبير ومستثمر مشهور لما اتسأل عن أفضل اسواق الاستثمار دلوقتي.. ليه الراجل دا قال كده؟
عشان حضرتك مصر عندها كل الامكانيات اللي اي مستثر يحلم بيها دلوقتي في سوق مثالي يحقق منه أعلى الارباح منها مثلا موقع مصر الجغرافي في وسط خطوط التجارة في العالم وقناة السويس والبنية التحتية القوية والحديثة للتجارة زي المواني واللوجستيات وقرب المناطق الصناعية من المواني وخطوط التجارة الدولية ودا غير إن مصر عندها ميزات تانية زي العمالة الوفيرة والمدربة والأرخص عالميا وعنده سوق استهلاكي ضخم بأكتر من 100 مليون شخص وانفتاحها على افريقيا وأسيا وقربها من أوروبا وكمان عندها ميزات تانية زي بنيتها السياحية الضخمة والفريدة زي الفين كيلو متر من الشواطيء بالبحرين الاحمر والمتوسط وكمان عندها الحضارة والاثار والمتاحف والمحميات والجزر والفنادق دا غير ثروتها العقارية وحالة الاستقرار الأمني في البلد وسط منطقة مضطربة وليلة كبيرة تخلي مصر أهم سوق استثماري في مصر .

كل اللي قلناه دا كان سبب في تدفق مليارات الدولارات على مصر للاستثمار الحر والمستوطن كمان والحكاية بدأت بمشروع راس الحكمة الضخم واللي بتوصل استثماراته النهائية لحوالي 150 مليار دولار وبعدها اتفتحت حنفية الاستثمار في الساحل الشمالي وأكتر من دولة قررت تعمل مشروعات صناعية وسياحية وخدمية في مصر زي الصين وتركيا والسعودية والكويت.
ومن بين الدول دي كمان كانت الهند واللي ليها استثمارات قديمة في مصر لكن قررت تضخ أكتر من 3 مليار دولار جديدة في الاسثمار في مجالات عديدة على رأسها الصناعة والسياحة وعلى فكرة مصر احتلت المرتبة الأولى بقائمة الدول الأجنبية المستقبلة للاستثمارات الهندية في 2022 .

مجلس الأعمال المصري الهندي كشف إن الشركات الهندية الكبيرة قررت زيادة استثمارات الشركات الهندية بمصر إلى 5 مليار دولار خلال السنتين اللي جايين بزيادة  3 مليار و200 مليون دولار وإن فيه 3 شركات هندية أعلنت خلال الأسابيع اللي فاتت ضخ استثمارات بقيمة 1.1 مليار دولار جديدة بمصر بمجال الصناعة.

طبعا أي تدفقات دولارية جديدة بيعتبر مسمار في نعش الدولار وسعره في سوق الصرف واللي بيعتمد على العرض والطلب ورسالة تانية مهمة للواهمين اللي فاكرين إن السوق السودا للعملة هترجع تاني وفي نفس الوقت التدفقات دي بتعتبر شهادة ثقة وقوة للاقتصاد المصري وبتاكد مقولة ان اللي مش هيستثمر في مصر اليومين اللي جايين دول هيندم.