صدمة في فواتير الكهرباء لشهر أغسطس.. شوف الزيادة هتوصل لكام

اللي كنا خايفين منه حصل والدولة رفعت أسعار شرائح الكهرباء للقطاعين المنزلي والتجاري، وحاليا في فاتورة جديدة هتبدا الدولة تحصلها من المواطنين بداية من الشهر الحالي.. يا تري الزيادات الجديدة في أسعار شرائح الكهرباء بتوصل لكام.. وامتي بداية تطبيقها.
 
امبارح وزارة الكهرباء وبشكل رسمي أعلنت عن اعتماد الزيادات الجديدة في أسعار شرائح الكهرباء للقطاعين المنزلي والتجاري بعد ما مجلس الوزراء وافق علي معدل الزيادة اللي أقر جهاز تنظيم مرفق الكهرباء وحماية المستهلك.
طيب الزيادة الجديدة في أسعار شرائح الكهرباء هتوصل لكام  وامتي موعد تطبيقها ؟.
مصادر مطلعة بوزارة الكهرباء قالته أنه هيتم تطبيق الزيادات الجديدة اعتبارا من شهر اغسطس الجاري وبأثر رجعي لمدة 15 يوما في العدادات مسبقة الدفع، وهيتم تطبيق الأسعار الجديدة للشرائح علي العدادات الميكانيكية اعتبارا فاتورة شهر أغسطس واللي هيتم إصدارها في شهر سبتمبر اللي جاي  .
المصادر قالت إن الزيادة في أسعار شرائح الكهرباء الجديدة للقطاع المنزلي هتوصل في الشريحة الأولي واللي هيا من صفر إلى 50 كيلو وات من 58 قرش إلي 68 قرش بزيادة 10 قروش، والزيادة في الشريحة الثانية واللي هيا من 51 إلى 100 كيلو وات هترتفع من 68 إلي 78 قرش بزيادة 10 قروش.
المصادر قالت كمان أن الزيادة في أسعار الشريحة الثالثة واللي هيا من صفر إلى 200 كيلو وات هترتقع سعر الكيلووات ساعة فيها من 83 إلي 95 قرشا بزيادة 12 قرش، وكمان هيتم زيادة اسعار الشريحة الرابعة واللي هيا من 201 إلى 350 كيلو وات ساعة من 125 إلي 155 قرش بزيادة 20 قرش، وهيتم زيادة أسعار الشريحة الخامسة واللي هيا من 350 إلى 650 كيلو وات ساعة من 140 إلي 195 قرش بزيادة 55 قرش، وكمان هيتم زيادة اسعار الشريحة السادسة واللي هيا من 650 إلى 1000 كيلو وات ساعة من 140 قرش إلي 2.1 جنية بزيادة 61 قرش، واخيرا هيام زيادة أسعار الشريحة السابعة اللي هيا أكثر 1000 كيلو وات من 165 قرش إلي 2.3 جنيها بزيادة 38 قرش.
طيب هل في زيادة كمان حصلت في أسعار شرائح الكهرباء للشركات ولا الزيادة هتكون علي البيوت بس ؟.
مصادرنا في وزارة الكهرباء والطاقة المتجددة قالت كمان أن الزيادات الجديدة في أسعار شرائح الكهرباء تضمنت زيادة شرائح الكهرباء للقطاع التجاري واللي هيا خاصة بالمصانع والشركات وهتوصل معدل الزيادة في اسعار الشريحة الأولى واللي هيا من  0 إلي 100 كيلو وات ساعة وهترتفع من 65 إلي 85 قرش بزيادة 20 قرش، وكمان هتزيد أسعار الشريحة الثانية واللي هيا من 101 إلى 250 كيلو وات ساعة من 136 قرش إلي ١٦٨ قرش بزيادة بزيادة 32 قرش، والشريحة الثالثة واللي هيا من 251 إلى 600 كيلو وات ساعة هتزيد  من 150 إلي 220 قرش بزيادة 70 قرش، والشريحة الرابعة واللي هيا من 601 الى 1000 كيلو وات ساعة هتزيد من 165 قرش إلي  2.27 جنيها بزيادة 62 قرش، واخيرا الشريحة الخامسة واللي هيا أكثر من 1000 كيلو وات ساعة هتزيد من 180 قرش إلي 2.33 جنيها بزيادة 53 قرش.

المصادر قالت أن الزيادات الجديدة في أسعار شرائح الكهرباء السبب الأساسي فيها هي زيادة الأعباء الاقتصادية اللي بتتكبدها وزارة الكهرباء والطاقة المتجددة لسداد التزامات وزارة البترول والثروة المعدنية والخاصة بتوفير الوقود اللازم لتشغيل محطات توليد الكهرباء، وتكلفة سعر الكيلووات ساعة على الدولة بيوصل علي الدولة ل 223 قرشًا، وكان بيتم بيعه بسعر 58 قرشًا للمواطن بالشريحة الأولى وبيوصل متوسط دعم الدولة لكل كيلو وات ساعة على مختلف الشرائح إلى جنيه كامل.