لو معاك 100 ألف جنيه.. شوف إزاي تستثمرهم بطريقة صح وتكسب منهم كل شهر؟
يا ترى لو حضرتك معاك 100 ألف حنيه وعاوز تستثمرهم أو تحط الفلوس دي في أي حاجة تحقق مكسب مضمون كل شهر، تعمل إيه.. هنقولك التفاصيل في الفيديو ده.
لو حضرتك معاك 100 ألف حنيه، فبنرشحلك تحطها في شهادة إدخار، واللي بتتنافس البنوك الحكومية والخاصة والخاصة دلوقتي عليها، كخدمة للعملاء.
ومن هنا، هنقولك على أفضل شهادة إدخار وطريقة حساب العائد عليها، وهي شهادة البنك الأهلي الثابتة، واللي بتعتبر أفضل طريق لاستثمار فلوسك.
وفي حالة إن حضرتك حطيت فلوسك في الشهادة دي، والمعروفة باسم الشهادة ذات العائد الثابت الـ21.5%، فلازم تعرف إن مدة الاستثمار فيها بتبقى 3 سنوات، وفي حالة إنك حطيت مبلغ 100 ألف جنيه، هيبقي خلال 64.500 في التلات سنين.
وعشان تفهم وترتاح، بيتم حساب قيمة العائد من خلال ضرب قيمة المبلغ اللي هو 100 ألف جنيه في عائد الشهادة الثابت، وبعد كده بيتم قسمة الناتج على 100، عشان تقجر تعرف قيمة الناتج السنوي.
ولأن مدة الاستثمار في الشهادة 3 سنوات، هتقوم بضرب الناتج النهائي في 3 فيصبح 64500 جنيه.
ومن أهم مميزات الشهادة دي، إن مدة الادخار في الشهادة دي 3 سنين يعني استثمار، وكمان العائد بتاعها ثابت طوال مدة الشهادة، ضيف على ده أنه بيتم احتساب العائد من الشهر التالي لشهر الشراء.
أما عن الحد الأدنى لشراء شهادة الادخار، فممكن يبقى 1000 جنيه ومضاعفاتها، كمان ممكن يتم صرف العائد على الشهادة شهريًا وتصل نسبته لـ 21.5%.
نقدر نقول كمان، إن عائد الشهادة دي بيصل في السنة الأولى إلى 26%، وفى السنة الثانية 22%، وفى السنة الثالثة 18%، يعني حضرتك كسبان كسبان.
وبعد الكلام عن الشهادة، دلوقتي البنك الأهلي بيقدم خدمة جديدة لعملائه خلال الفترة دي، وهي مد مواعيد عمل بعض فروعه بهدف اتاحة استبدال العملات الأجنبية مقابل الجنيه المصري لكافة المقيمين بجمهورية مصر العربية بكل سهولة.
والخدمة دي بتعتبر خطوة مهمة بتؤكد سعي البنك الدائم لتقديم أفضل وأسرع الخدمات المصرفية لكل العملاء داخل وخارج الجهاز المصرفي بمصر، وكمان ده هيساهم بشكل كبير في الحد من تداول العملات الأجنبية مقابل الجنيه المصري خارج النطاق الرسمي.
وكمان تعزيز إستراتيجية البنك الأهلي المصري نحو الشمول المالي واللي بتعتبر من أهم أولويات البنك في الفترة دي.
