إزاي تشتري الشقة اللي بتحلم بيها مع بنك مصر

نفسك تشتري شقة واسعة وفي مكان شيك وراقي وكمان تشتريها كاش وتسدد على أقل من مهلك.. بنك مصر بيحقق أحلامك كلها مرة واحدة.. وفى التقرير ده هنقولك التفاصيل 
 
بنك مصر من أكتر البنوك اللي بتقدم انواع مختلفة ومناسبة لكل العملاء للتمويل ومن بينها قرض التمويل العقاري بفايدة 8% وفترة سداد بتوصل إلى 25 سنة يعني ربع قرن وبدعم من البنك المركزي المصري كمان وبيحل أزمة كتير من الراغبين في امتلاك وحدة سكنية بالأحياء الراقية..
وبخصوص تفاصيل قرض التمويل العقاري من بنك مصر فهو ياسيدي 
الحد الأدنى لمدة القرض 5 سنوات والحد الأقصى 25 سنة وبمعدل العائد السنوي على الرصيد المتناقص للقرض: 8% أما الحد الأقصى لصافي الدخل الشهري فهو للشخص الاعزب 40 ألف جنيه وللمتزوح 50 ألف جنيه 
وبخصوص الوحدة السكنية واللي العميل عاوز يشتريها فليها شروط بسيطة بردوا منها أن يكون الحد الأقصى لقيمة الوحدة السكنية: 2.5 مليون جنيه أما قيمة التمويل فهي بنتراوح بين  200 ألف و2 مليون جنيه 
ومن ميزات قرض التمويل العقاري من بنك مصر إنه بيتم التأمين على الحياة والعجز الكلي..
ومن شروط الوحدة السكنية المراد تمويلها كمان إنها تكون بغرض السكن الدائم وليس السياحي او الموسمي..كاملة التشطيبات (جاهزة للسكن)...كاملة المرافق (كهرباء -مياه..الوحدة قائمة ومرخصة وليست عليها ثمة مخالفات..

نيجي للمرحلة الأخيرة وهي المستندات الخاصة بالعميل وهي بسيطة منها صورة  واضحة لبطاقة الرقم القومي السارية للزوج والزوجة.. إيصال مرافق حديث .
في حالة برنامج المهن الحرة المطلوب صورة من البطاقة الضريبية.. صورة من ترخيص مزاولة المهنة
وفي حالة برنامج أصحاب الأنشطة التجارية أو الصناعية أو الخدمية هيبقي مطلوب..مستخرج رسمي حديث من السجل التجاري أو الصناعي لم يمر عليه أكثر من 3 أشهرصورة من البطاقة الضريبية.
وبخصوص مستندات الوحدة السكنية فهي انها تكون متسجلة في الشهر العقاري  باسم البائع كأحد أطراف علاقة التمويل العقاري والعقد المسجل سند ملكية البائع .. وأخيرا شهادة بعدم وجود مخالفات او شهادة بتمام التصالح  وصورة طبق الاصل رخصة البناء