كله هيركب عربيات وزيرو كمان.. انقلاب في سوق السيارات

ياترى إيه أخر أخبار سوق السبيارات في مصر وليه الأسعار هترجع تنزل تاني وإيه المفاجأة الكبيرة اللي هتحصل في سوق السيارات القترة الجاية وهتخلي كله يشتري عربيات وزيرو كمان.. خليكم معانا لاخر التقرير وهنعرف التفاصيل كلها

طبعا كلنا فاكرين الأزمة الطاحنة اللي اتعرض ليها سوق السيارات في مصر واللي تقريبا وقف بشكل كامل بعد أزمة نقص الدولار والتوقف عن الاستيراد لدرجة إن ورش كتير ومعارض اضطرت تقفل عشان مفيش معروض من العربيات وفي نفس الوقت العربيات اللي كانت في المخازن سعرها زاد ال5 أضعاف وغير الاوفربرايس وفضل الوضع على كده لغاية ماقرر البنك المركزي المصري يحرر سعر الجنيه أو التعويم في مارس اللي فات وبدأت الانفراجة في كل الاسواق ومنها سوق السيارات.
ازمة سوق السيارات خدت فترة طويلة عشان السوق كان عطشان جدا لأنه على مدار سنة مكانش فيه عربيات جديدة بتنزل السوق ودا سبب زيادة تراكم الطلب.. وحصلت انفراجة كبيرة مع استنئناف الاستيراد وفعلا الاسعار رجعت تنزل بشكل كبير في الزيرو والمستعمل والناس قالت خلاص الدنيا احلوت وكله هيشتري عربيات لكن حصلت أزمة سيارات المعاقين في الجمارك ووزارة المالية وقفت دخول السيارات المستوردة مؤقتا بعد اكتشاف حالات تلاعب كبيرة جدا للاستقفادة من الدعم اللي بتقدمه الدول على السيارات دي لخدمة فئات ذوي الاحتياجات الخاصة.
طيب إيه الجديد في سوق السيارات؟
شوف حضرتك اللي بيحصل في سوق السيارات دلوقتي محصلش في تاريخ مصر كلها لأن الحكومة مش هتحل بس أزمة استيراد السيارات لكن دي كمان وطنت وبتوطن صناعة السيارات في مصر لأول مرة وزي ماقلنا دي وطنت يعني خلاص المصانع قربت تنتج وتصنع سيبارات جديدة في مصر لاول مرة تصنيع مش تجميع والسيارات دي هتكون بأسعار معقولة وفي متناول الجميع وهتفك أزمات  كبيرة في السوق وكمان هتضمن إن مفيش ازمات تانية هتحصل..
من الاخبار المفرحة مثلا  إن المصنع الجديد بمدينة طربول الصناعية، فى صعيد مصر واللي اتبنى على مساحة بتوصل إلى 200 ألف متر مربع، لتجميع وتصنيع 5 موديلات مختلفة من سيارات “لادا” في السوق المصري قرب ينتج سيارات جديدة وأسعاراها هتبدأ من 300 ألف جنيه وفاكرين لما قلنا إن طربول هتكون عاصمة صناعة السيارات في مصر وإن المصانع اللي بتتعمل بمجرد ما تنتج هنشوق سوق سيارات مختلفة تماما عن الموجودة دلوقتي لانه هيكون فيه ضخ  مستمر للموديلات في السوق وبالتالي كل الاسعار هتنزل في الزيرو والمستعمل وحتي المستعمل وقتها هيكون مستعمل حديث يعني اخره سنتين ل5 سنين.
كمان مصانع الانتاج الحربي بتستعد لانتاج الاف السيارات الكهربائية سنويا قريب جدا وتخصيص جزء منها للتصدير كمان غير بقية المصانع المتخصصة في صناعة قطع غيار ومستلزمات السيارات ودي هتقلل تكلفة استيرادها وعلى سعر السيارة النهائي.
باختصار شديد سوق السيارات في مصر داخل على مرحلة جديدة خالص وهيكون فيه حركة جديدة للاسعار وحركة البيع والشراء.