إيه اللي بيحصل في سوق الدولار.. سر الزيادة الكبيرة بعد قرار صندوق النقد

 

هو ليه سعر الدولار خالف التوقعات ورجع يزيد بعد قرار صندوق النقد الدولي بصرف الشريحة التالتة من القرض.. وايه مصير الأسعار الفترة الجاية.. تابعونا وهتعرفوا التفاصيل في الفيديو ده خليكم معانا للآخر 
 

 
النهاردة  الاربعاء الدولار قفز حوالي 30 قرش مرة واحدة في تعاملات الصباح ووصل سعر ل48.62 جنيه في بعض البنوك من 48.33 جنيه في نهاية تعاملات امبارح التلات والقفزة دي غريبة جدا لأنها جاية في وقت المفروض السعر ينزل أو يستقر فيه بعد قرار صندوق النقد الدولي الأخير بصرف 820 مليون دولار هي قيمة الشريحة التالتة من القرض المصري وحسب المنطق قرار الصندوق معناه أنه لمس استقرار في سوق الصرف في مصر وتحسن كل المؤشرات الاقتصادية وده اللي قاله في أسباب أو حيثيات الموافقة على الشريحة التالتة وكمان المفروض أن صرف المبلغ هيزيد المعروض النقدي في البنك المركزي ومع تراجع الديون الخارجية لأكتر من 14 مليار دولار الفترة اللي فاتت وزيادة الاحتياطي النقدي في البنك المركزي لأكتر من 46 مليار ومع زيادة تدفقات الدولار من تحويلات المصريين والسياحة والتصدير والاستثمار يفترض سعر الدولار ينزل مش يزيد 
طيب ليه الدولار رجع يرفع تاني بالشكل ده ؟
الإجابة على السؤال ده قالها الصندوق نفسه في تصريحاته الأخيرة لما قال إن مصر بتحافظ على سياسة تحرير سعر الصرف للعملات يعني السوق هو اللي بيحدد سعر الدولار بناء على آلية العرض والطلب ومن غير اي تدخل من البنك المركزي أو الحكومة وده معناه في نفس الوقت أن حصل طلب وسحب كبير على الدولار النهاردة وده السبب الوحيد في ارتفاع أسعار العملة الأمريكية لأن مفيش اي تدخل تاني في سعرها .
طيب مين اللي بيسحب الدولار من السوق ؟
الدولار عليه طلب من اكتر من جهة زي المستوردين وأصحاب الأعمال والشركات لشراء لوازم الإنتاج والمواد الخام وكمان الدولة بتسحب الدولار عشان تستورد بيه السلع الأساسية وده غير الدولارات المطلوبة لسداد اقساط الديون الخارجية وصرف مستحقات الشركات العالمية العاملة في مصر وخاصة شركات البترول ومعناه الطلب كان كتير من الجهات دي على الدولار وعشان كده سعره زاد النهاردة لكن ده ملوش علاقة بنقص المعروض لان زي ما قلنا مفيش أزمة في توافر الدولار لكن الطلب زاد عليه وممكن في أي لحظة سعر الدولار ينزل تاني مع تراجع الطلب عليه وفق قانون الطلب والعرض وإن الزيادة الأخيرة متخوفش خاصه إن أغلب التوقعات بتقول إن الدولار هيوصل لنقطة التوازن مع الجنيه في حدود 43 جنيه في الفترة الجاية مع زيادة المعروض من الدولار في الشهور الجاية.
طيب ايه توقعات المعروض من الدولار الفترة الجاية ؟
اغلب التوقعات زي ما قلنا بتأكد أن معروض الدولار هيزيد في سوق الصرف من. اكتر من جهة منها صندوق النقد اللي متوقع يصرف حوالي مليار و300 مليون دولار في سبتمبر الجاي مع الشريحة الرابعة وكمان الحصيلة المتوقعة من تسريع برنامج الطروحات الحكومية ومن السياحة والاستثمار تحديدا الفترة الجاية وكمان متوقع ارتفاع  الاحتياطي النقدي الأجنب، نظرا لزيادة تحويلات المصريين العاملين بالخارج وزيادة الدخل القومي من السياحة وزيادة حجم الصادرات وتراجع حجم الواردات وزيادة الاستثمارات الأجنبية المباشرة وغير المباشرة.
وفيه مؤسسات دولية منها جولدمان ساكس توقعت ارتفاع احتياطي مصر من النقد الأجنبي إلى 60 مليار دولار في  2027، إضافة لتوقع مؤسسات دولية بوصول الاحتياطي النقدي لـ 50 مليار دولار بنهاية العام الحالي