الدهب رايح في داهية الشهورالجاية.. تقرير صادم عن اسعار المعدن الاصفر

إيه اللي بيحصل في سوق الدهب وإيه حكاية التوقعات المخيفة اللي صدرت في الساعات اللي فاتت ومين اللي هيقدر يشتري دهب تاني الفترة الجاية وايه أنسب وقت تشتري وتستثمر في المعدن الأصفر.. خليكم معانا للاخر وهنعرف التفاصيل في التقرير التالي.

اللي بيحصل في سوق الدهب العالمي والمحلي مش طبيعي لكن اللي جاي أصعب من كده بكتير ودا اللي قالته أخر تقارير المؤسسات المالية في الساعات الأخيرة..

بنك جي بي مورجان العالمي واحد من بين المؤسسات الدولية اللي اتكلمت على الدهب من كام ساعة وقال إن فيه انقلاب حصل في توقعات مصير اسعار الدهب في الفترة الجاية وتحديدا في الشهور اللي باقية في 2024 وقال إن المحركات الرئيسية وراء أسعار الذهب في العام الجاري تغيرت وانفصلت عن توقعات تخفيضات أسعار الفايدة الفيدرالية وعوائد سندات الخزانة الأميركية وتوقع مزيدا من الارتفاع للأسعار.

وحسب التقرير  الارتفاع الحاد للأسعار جاء بشكل مبكر على الرغم من إن توقعات خفض الفايدة الأميركية أصبحت لمرة واحدة في 2024 وليس 3  مرات في التوقعات السابقة.. والأخطر بقي إن البنك العالمي توقع إنه يوصل متوسط الأسعار 2500 دولار للأونصة في الربع الرابع من العام الحالي 2024 خاصة مع المخاطر الجيوسياسية المتزايدة وخفض الفايدة ومشتريات البنوك المركزية العالمية واللي اعلن أكتر من 20 بنك فيهم نيته زيادة المشتريات من الدهب في الفترة الجاية وكمان فيه مخاوف وتوقعات إن البنك المركزي الصيني هيرجع يشتري دهب تاني ودا لوحده كارثة لأنه بيشتري بكميات ضخمة ومشترياته في الفترة اللي فاتت كانت سبب رئيسي في زيادة أسعار الدهب ووصل اللي اشتراه المركزي الصيني لوحده في اخر سنتين أكتر من 2800 طن؛ يعني تلت المخزونات اللي بيحتفظ بيها بنك الاحتياطي الفيدرالي الأمريكي ورغم كده  تسارعت وتيرة الشحنات في الفترة الاخيرة وده غير قراره باستئناف المشتريات.
طيب ايه مصير الدهب في مصر؟
أكيد مصر مش منفصلة عن العالم ولأن الدهب مسعر بالدولار ومصر بتستورده يبقي هتتأثر بشكل مباشر بالاسعار العالمية وفيه توقعات إن سعر جرام 24 يعدي ال4 الاف جنيه وكمان عيار 21 ممكن يوصل لاكتر من 5 الاف جنيه وعشان كده لسه الوقت مفاتش لو بتفكر تشتري دهب وتستثمر فيه لأنه كل تأخير هيقابله ارتفاع في الاسعار وبالتالي هتدفع اكتر في عمليات الشراء ومع اتجاه البنك المركزي المصري لخفض او تثبيت سعر الفايدة وبالتالي خفض فوايد شهادات الادخار بالبنوك فالطلب هيتحول للدهب باعتباره الاستثمار الاكتر ربحية ومكسب ودا بطبعه هيضغط اكتر على سعر الدهب بسبب زيادة الطلب المتوقع عليه وفي كل الاحوال الاسعار في طريقها للزيادة بشكل كبير ولو معاك دهب خبيه دلوقتي وبلاش تتصرف فيه لأنه كل مايقعد كل مافلوسك بتزيد.