إزاي تشغل فلوسك في صناديق الاستثمار من غير ما تخسر مليم؟

يا ترى لو معاك فلوس وعايز تستثمرها، إيه أفضل طريقة تستثمر  بيها فلوسك وفي نفس الوقت تحافظ علي قيمتها كاملة.. هنقولك كل التفاصيل في التقرير التالي 
 

بص يا سيدي.. لو معاك فلوس وعاوز تستثمرها أو تزودها، أول حاجة بتفكر فيها هي إنك تحطها في البنك، سواء في شهادة أو حساب، عشان من ناحية تحفظ قيمتها ومن ناحية تانية سعرها يزيد من خلال الفايدة.

لكن البنوك المصرية، عندها فكرة بره الصندوق أو مش معروفة لكل الناس، اسمها "صناديق الاستثمار"، واللي هي بتبقى عبارة عن وسيلة فعّالة عشان تجمع فلوس للادخار في مجموعة متنوعة من الأوراق المالية، زي  الأسهم والسندات والأصول الأخرى، والصناديق دي بتدار بواسطة  محترفين، وده بيوفر ميزة التنويع والإدارة المهنية لأصولك، ولكنها مرتبطة أكتر بالمستثمرين.

يعني الصناديق دي بتجمع فلوس  الأفراد والشركات في محفظة متنوعة من الأصول المالية، وبيتم إدارة هذه الصناديق بواسطة مديري صناديق محترفين يقومون باتخاذ قرارات استثمارية بناءً على تحليلاتهم وخبراتهم، والهدف من ده هو تحقيق عوائد مالية مع تقليل المخاطر المرتبطة بالاستثمار الفردي.

وبتتنوع صناديق الاستثمار بناءً على الأصول اللي بتستثمر فيها، وأهدافها، ومن أبرز أنواع صناديق الاستثمار، هي:

1- صناديق الأسهم

تستثمر صناديق الأسهم بشكل رئيسي في الشركات وهي مناسبة للمستثمرين اللي بيسعوا لتحقيق عوائد أعلى على المدى الطويل، لكنها تأتي مع مستوى أعلى من المخاطر مقارنة بأنواع الصناديق الأخرى.

2- صناديق السندات
تركز صناديق السندات على الاستثمار في سندات الدين الحكومية أو الشركات، وتتميز هذه الصناديق بمستوى أقل من المخاطر مُقارنة بصناديق الأسهم، لكنها بتقدم عوائد أقل، وبتعتبر هذه الصناديق مناسبة للمستثمرين الذين يبحثون عن دخل ثابت ومستقر، وفقًا لقول وليد عادل.

3- صناديق الأسواق المالية
تستثمر صناديق الأسواق المالية في أدوات مالية قصيرة الأجل مثل شهادات الإيداع والسندات الحكومية قصيرة الأجل وتتميز هذه الصناديق بمستوى منخفض جدًا من المخاطر وتوفر سيولة عالية ولكن عوائدها تكون محدودة.

4- صناديق الاستثمار العقاري
تستثمر صناديق الاستثمار العقاري في العقارات والمشروعات العقارية، وتوفر هذه الصناديق فرصة للمستثمرين للاستفادة من عوائد الإيجارات وزيادة قيمة العقارات على المدى الطويل.

5- صناديق المؤشرات
تتبع صناديق المؤشرات أداء مؤشر سوق معين مثل مؤشر S&P 500، وهذه الصناديق تهدف إلى تحقيق عوائد تتماشى مع أداء السوق المستهدف وتتميز بتكاليف إدارة منخفضة، بحسب وصف الخبير المصرفي.

ومن هنا نقدر نقول، إن الاستثمار في صناديق الاستثمار، بيتطلب خطوات مدروسة ووعي تام بمختلف الجوانب المرتبطة بها، يعني لازم تحدد أهدافك الاستثمارية بشكل واضح، وهل بتسعى لتحقيق عوائد عالية على المدى الطويل؟ ولا استثمار منخفض المخاطر لتحقيق دخل ثابت.

كمان لازم تختار نوع الصندوق اللي  يتناسب مع أهدافذ ومستوى المخاطر اللء يمكنك تحمله، مع دراسة الصندوق وتقييم الأداء
قبل الاستثمار، وماتنساش تفتح حساب استثماري، واخيرا تتابع أداء الصندوق بانتظام وتقييم هل بيحقق هدفه ولا لأ، وبكده تقدر تشغل فلوسك في صناديق الاستثمار من غير ما تخسر مليم.