مفاجآت صندوق النقد لمصر.. إيه اللى هيحصل بعد الموافقة على المراجعة التالتة؟

يا ترى ايه اللى هيحصل بعد موافقة صندوق النقد الدولي على المراجعة التالتة لبرنامج الاصلاح الاقتصادي اللى بتنفذه الحكومة المصرية؟ وايه الطلبات الجديدة اللى الصندوق طلب تنفيذها؟ وايه حكاية ال 1.2 مليار دولار اللى مصر ممكن تطلبهم من الصندوق؟

أخيرا وبعد شد وجذب وافق المجلس التنفيذى لصندوق النقد على المراجعة التالتة لبرنامج الاصلاح اللى بتنفذه مصر بالتعاون والتنسيق مع الصندوق وبموجب الموافقة دي هتصرف مصر شريحة جديدة من قرض ال 8 مليار دولار بقيمة 820 مليون دولار

ووفقًا لبيان صادر من صندوق النقد الدولي، بدأت الجهود اللي بذلتها الحكومة المصرية مؤخرًا لاستعادة الاستقرار الاقتصادي الكلي تؤتي ثمارها الإيجابية وقال انه صحيح التضخم لسه مرتفع ولكنه في طريقه إلى الانخفاض وأكد الصندوق ان نظام سعر الصرف المرن يشكل حجر الزاوية في برنامج مصر.

وأكد الصندوق ان التحديات المعقدة اللى بتواجه صناع السياسة النقدية بتحتاج تنفيذ حاسم لبرنامج الإصلاح اللي بتتبناه الحكومة مع مواصلة ضبط الأوضاع المالية و تسريع الإصلاحات الهيكلية للمساعدة في رفع نمو القطاع الخاص

الصندوق كشف أن الظروف الاقتصادية الكلية بدأت في التحسن من وقت الموافقة على المراجعة الأولى والتانية للبرنامج في مارس اللى فات وقال ان الضغوط التضخمية بدأت تتراجع تدريجيا وتم القضاء على نقص النقد الأجنبي، وتم تحقيق الأهداف المالية بما فيها الأهداف المتعلقة بالإنفاق على مشاريع البنية الأساسية الضخمة.. وكل ده ساهم في إحداث تأثير إيجابي على ثقة المستثمرين ومعنويات القطاع الخاص.

مجلس ادارة صندوق النقد ركز أوي على مرونة سعر صرف الجنيه قدام باقي العملات الأجنبية وأكد ان الحفاظ على نظام سعر الصرف المرن ونظام الصرف الأجنبي المحرر أمر ضروري وحتمي لتجنب تراكم الاختلالات الخارجية، وطالب بتبني نهج قائم على البيانات من جانب البنك المركزي لخفض التضخم وتوقعات التضخم

طب الصندوق قال ايه عن السوق السودا والمضاربات على الدولار؟

الصندوق اشاد بالخطوات المهمة اللى خدها البنك المركزي فى 6 مارس اللى فات واللى كان اهمها طبعا تحرير سعرصرف الجنيه وقال ان الخطوة دي ساهمت فى اختفاء السوق الموازي والقضاء على تعدد سعر الصرف ونهاية المضاربة على العملة الأمريكية لأن الدولار بقا متوفر فى البنوك وبدأت تحصل طفرة كبيرة فى تدفقات النقد الأجنبي سواء من المستثمرين الأجانب فى أدوات الدين الحكومية او الاستثمارات المباشرة زي ما حصل فى راس الحمنة وغير من المشروعات

طب ايه المطالب اللى الصندوق عاوز ينفذها ؟

مسئولى الصندوق شددوا على أهمية سرعة تخارج الدولة من النشاط الاقتصادي وزيادة نسبة مساهمة القطاع الخاص فى الناتج المحلى واعتبروا ده واحد من اهم الشروط اللى ممكن تنقل الاقتصاد المصري نقلة مختلفة تماما كمان تم التأكيبد على الاستمرار فى تخفيض الدعم عن بعض الخدمات وصولا الى الغاء الدعم بصورة نهائية عن الكهرباء والوقود والتموين وغيرهم